Прим. д-р Љиљана Којиќ: Како да одбегнете амонијакален дерматит кај бебето

Исклучително е важно да се одржува чиста и сува кожата на пеленската регија. Урината содржи мочна киселина која ја нагризува бебешката кожа. Ако тука се додаде и пелената, која колку и да е квалитетна и со голема моќ на апсорпција, сепак, делува оклузивно и ја задржува влагата до кожата, а го засилува неколкукратно нагризувачкото дејство на мочната киселина, така се развива амонијакалниот дерматит

Од исклучителна важност е хигиената на пеленската регија да се одржува правилно и редовно
ПИШУВА: Прим. д-р Љиљана Којиќ
педијатар

♦♦♦♦♦♦♦

Повеќедецениските препораки на сите светски релевантни педијатриски здруженија за тренинг за одење во тоалет кај бебињата се дека не би требало да почнуваат пред навршени 18 месеци, зашто се претпоставува дека пред тоа бебињата не се во состојба да сфатат кога треба да кажат дека сакаат да одат во тоалет.

Менувајте ги пелените често: Прим. д-р Љиљана Којиќ, педијатар

Никогаш не го оставајте бебето со пелена во која се сомневате дека има столица. На првиот сомнеж – проверете и сменете ја пелената, па макар и да спие бебето

 

Тоа значи дека нашето мало „зрнце среќа“  е осудено на долги 18 месеци во пелени, кои колку и да се квалитетни, сепак, умеат да бидат прилично непријатни. Затоа е од исклучителна важност хигиената на пеленската регија да се одржува правилно и редовно.

СТОЛИЦИ Столиците на бебето се кисели и исклучително нагризувачки кон кожата на бебето

Зошто?

  1. УРИНАТА содржи мочна киселина која ја нагризува бебешката кожа. Ако тука се додаде и пелената, која колку и да е квалитетна и со голема моќ на апсорпција, сепак, делува оклузивно и ја задржува влагата до кожата, а го засилува неколкукратно нагризувачкото дејство на мочната киселина, така се развива амонијакалниот дерматит.
  2. СТОЛИЦИТЕ на бебето се кисели и исклучително нагризувачки кон кожата на бебето. Ова особено кога се знае дека едно новороденче може да има и до шест столици на ден.

Од ова произлегува исклучителната важност да се одржува чиста и сува кожата на пеленската регија.

И затоа:

  1. Менувајте ги пелените често.
  2. Никогаш не го оставајте бебето со пелена во која се сомневате дека има столица. На првиот сомнеж – проверете и сменете ја пелената, па макар и да спие бебето.

Влажните марамчиња не се замена за правилна тоалета на пеленската регија, туку се прирачно средство.

Влажните марамчиња се исклучително практично прирачно средство, но се наменети за привремена употреба – кога сте надвор од дома, во парк, на прошетка, на пат, на гости, и не се средство за одржување на редовна хигиена на пеленската регија кога сте дома

Кога сте во домашни услови, пеленската регија измијте ја убаво и темелно со вода, а доколку има столица, измијте ја и со вода и со сапун, односно блага купка. Измијте ги и препонските набори, исплакнете убаво со вода, а потоа внимателно и нежно, но темелно исушете со мекана фротирска крпа.

ПЕЛЕНСКА РЕГИЈА Откако ќе ја исушите темелно пеленската регија, нанесите на неа бариерна крема во подебел слој, и потоа ставете ја пелената

Доколку е времето топло (во лето) или просторијата е добро загреана (во другите сезони), оставете го бебето неколку минути без пелена. Скоро сите бебиња без исклучок уживаат кога се „ослободени“ од пеленката и кога можат слободно да мрткаат.

Откако ќе ја исушите темелно пеленската регија, нанесите на неа бариерна крема во подебел слој, и потоа ставете ја пелената.

Ќе ве изненади колку бебињата, иако тоа вам не ви изгледа така, сакаат да бидат суви и чисти.

 

ПОВЕЌЕ ОД ИСТИОТ АВТОР, ПРИМ. Д-Р ЉИЉАНА КОЈИЌ:

ПОВРЗАНИ НАПИСИПОВЕЌЕ ОД АВТОРОТ