ПИШУВА: Прим. д-р Љиљана Којиќ
педијатар
♦♦♦♦♦♦♦
ПЕТ ПРАВИЛА КОИ НЕ ВАЖАТ КАЈ НЕДОНОСЕНИТЕ БЕБИЊА
Често ги слушаме педијатрите како велат: „Детето не е смален човек“. Оние кои се занимаваат со неонатологија ќе ја парафразираат како „новороденото не е смалено дете“, а пак оние кои се занимаваат со недоносени новородени ќе би кажат дека недоносеното бебенце не е смалено „мини-новороденче“ и дека овие деца се посебни по многу нешта. Ова се бебиња кои ги кршат старите правила – од оние кои се однесуваат на лекувањето и преживувањето, до оние кои се однесуваат на грижата.
Правило број 1: Опкружете го вашето бебе со стимулација
Кога ќе се роди терминско новороденче, тоа е спремно да се сретне со светот. Родителите со задоволство играат со нив и им говорат, им ги продолжуваат будните периоди, им читаат, им пуштаат музика, правејќи им распоред во кој има време за „вежбички“, а и „време за полнење на мешето“.
Недоносените се сосема „друга приказна“. Тие пристигнале пред да бидат подготвени за средба со надворешниот свет. Затоа лекарите препорачуваат тие да бидат третирани како се уште да се во матката. Што значи тоа? Главно значи да ги оставиме да спијат што повеќе, да ги држиме светлата и звуците ниски или придушени. Исто така, ова значи и да се одбегнуваат стимулации кои ќе бараат од бебето активност која троши калории, кои не би смеело да ги потроши.
Недоносените едноставно невролошки не се зрели за галење. Нивниот нервен систем е програмиран се уште да имаат перниче од плодова вода околу себе. Наместо галење и масажа, недоносените имаат потреба да бидат држени цврсто
Тоа може да делува помалку разочарувачки и фрустрирачки за родителите, кои би сакале да се запознаат со своето ново бебе. Но, работите стојат вака: што повеќе спие и се одмора-побргу ќе расте. Размислувајте за тие рани недели, како бебето да е се уште во матката и прилагодете ги очекувањата на таа ситуација, во која ќе воспоставите силна и интимна врска со вашето мaлечко, но не бучна и разиграна во која би пееле „еци пеци пец“ или слично.
Правило број 2: Бебињата сакаат да се галат и масираат
Не и недоносените. Тие едноставно невролошки не се зрели за галење. Нивниот нервен систем е програмиран се уште да имаат перниче од плодова вода околу себе.
Наместо галење и масажа, недоносените имаат потреба да бидат држени цврсто. Искусните сестри од интезивните единици, уште додека е во инкубатор, ќе ви го дадат вашето малечко најпрвин во раце при што ќе ја сместат едната ваша телото, а во другата на главчето. Кога овие деца ќе станат доволно стабилни за да се извадат од инкубаторот, тогаш се спремни за „кенгурирање“ при што бебето се става на градниот кош на мајката. Таа позиција им годи многу и најблиску е до онаа која би ја имале во матката. Оваа позиција на бебињата делува смирувачки.
Правило број 3: Секогаш поставете го детето да спие на грб
Поголемиот дел од родителите знаат дека ова е превенција на СИДС (Sudden Infant Death Syndrome – синдром на ненадејно задушување кај доенчињата). Затоа, кога ќе дојдат во интензивните единици и кога ќе го затечат нивното малечко легнато на стомак умеат да бидат доста вознемирени.
Мајките кои сакаат да дојат се инструирани да одбегнуваат да му даваат на бебето шишенце и цуцла, зашто се плашат дека кога еднаш ќе дојдат до шишето од кое многу полесно се влече млекото отколку од града, нема да сакаат да цицаат веќе. Со недоносените е сосема поинаку
Неверојатно, но на недоносените бебиња оваа позиција умее да им годи, и на страна фактот дека им го подобрува дотокот на кислород во белите дробови, исто така им е и удобна, со рачињата стуткани под стомакот, и изгледаат задоволно. Се разбира дека оваа позиција се препорачува само додека се во интензивните одделенија, каде што се под константен мониторинг.
Американската академија за педијатрија (ААП) препорачува овие бебиња да бидат поставувани да спијат на грб веднаш штом станат медицински стабилни, најдоцна до 32. недела.
Значи, ова се позиции кои се резервирани за во болница, во интензивно одделение. ШТОМ ПРИСТИГНЕТЕ ДОМА, СЕКОГАШ ПОСТАВУВАЈТЕ ГО БЕБЕТО ДА СПИЕ НА ГРБ.
Правило број 4: Никогаш не будете бебе кое спие
Нормално, на родителите им е кажано дека новороденото кога ќе огладни ќе се разбуди и ќе бара храна. А недоносените, како што рековме, имаат потреба од повеќе сон. Или?
НЕ. Недоносените треба да се хранат на секои 3, а понекогаш и на 2 часа, дури и кога тоа значи да го разбудите од длабок сон. И не, ова не е во контрадикција со претходно напишаното дека им треба повеќе сон. Кога хранењето е во прашање-исклучокот е дозволен. А родителите се на должност 24/7 без пауза.
Размислувајте за раните недели како бебето да е се уште во матката, и прилагодете ги очекувањата на таа ситуација во која ќе воспоставите силна и интимна врска со вашето мaлечко, но не бучна и разиграна во која би пееле „еци пеци пец“ или слично
Правило број 5: Не му давајте цуцла и шише на бебе кое цица
Мајките кои сакаат да дојат се инструирани да одбегнуваат да му даваат на бебето шишенце и цуцла, зашто се плашат дека кога еднаш ќе дојдат до шишето од кое многу полесно се влече млекото отколку од града, нема да сакаат да цицаат веќе.
Со недоносените е сосема поинаку. Кај нив ни е важно да им дадеме многу храна, а за тоа да трошиме помалку енергија. Мајките кои слушнале дека „шишето и цуцлата се нивни најголеми непријатели“, ќе мораат да ја модифицираат својата стратегија, се додека нивното малечко не биде доволно силно за да може да цица.
Многу е важно да се напомене уште и дека тие имаат незрел рефлекс за цицање и голтање, кои патем и не се добро ускладени.
Во некои случаи, лекарите се повеќе склони да им дадат формула која е калориски и квалитативно збогатена за да добиваат на тежина побргу отколку на мајчино млеко.
Ова секако не е конечно: Оваа промена во стратегијата за 1800 ќе трае само до тогаш додека бебето не стане доволно големо и силно за да цица ефективно.
Ова воопшто не значи дека не треба да се обидувате да го ставате вашето бебе на града, ако вашиот лекар тоа ви го советува. Па дури и најголемиот дел од исхраната на вашето бебе да доаѓа од шишенцето со цуцла, па макар да се и само неколку милилитри мајчиното млеко – тие на бебето ќе делуваат благотворно. Освен тоа, бебето ќе има и корист од контактот и вежбата за доење, под услов да сте успеале да го сочувате млекото.
- Повеќе од истиот автор, Прим. д-р Љиљана Којиќ:
Што треба да знаете ако сте родители на предвремено родено бебе? (1)
