ПИШУВА:
Прим. д-р Методија Томевски
специјалист педијатар
♦♦♦♦♦♦♦
АНТИВАКЦИНАЛНИ ГРУПИ
Благодарение на пандемијата со коронавирусот, со својата застрашувачка непредвидлива вирулентност, смртност, моќ за мутирање, со монструозна ќуд, белким ќе ги отрезни и најокоравените заробени умови, во интерес, пред се на здравјето на своите деца, кои си ги сакаат, својата иднина и иднината на целото човештво, на преубавата планета – Земја
ткритието на вакцините претставува цивилизациска придобивка бр. 1 и највисок домет во медицината. За овие откритија, добиени се бројни врвни признанија, па се до Нобелови награди.
Кога, кој, како и зошто ја сруши најсветлата, највисоко достигнатата превентивна здравствена пирамида?
До 2000-та година, резултатите од вакцинацијата во цела Европа, беа одлични или многу добри. Вакциналниот опфат се движеше од 80 % па се до 90 %, за сите вакцини вклучително и за МРП (морбили, рубеола и паротит). Во Р. Македонија се движеа во граници од 95 % па се до 100 %. Во 1998 год. ЗПМ доби ЗЛАТНА ПЛАКЕТА од СЗО, за највисоки достигања во превентивните програми и проекти, особено за мерливите резултати, т.е. за повеќегодишниот вакцинален опфат, за сите задолжителни вакцини, вклучувајки ја и примо и ревакцината МРП. Опфатот се движеше од 95 %, 98 % па се до 100 %.
Таа иста година, 1998, во најпрестижното медицинско списание „Лансет“ (Lancet), д-р Ендру Вејкфилд, детски абдоминален хирург од Лондон, со соработници, објави „стручен“ труд за поврзаноста на абдоминалните заболувања, вакцината МРП и аутистичките појави.
Десетина години беше покрената етичка експертска постапка за веродостојноста на тврдењата на докторот, од страна на Кралската комисија и Советот за здравство на Велика Британија и е докажано дека нема никакви релевантни стручно-научни докази за неговите тврдења, и е отфрлена. Главниот уредник се извини пред стручната и целокупната јавност за направениот пропуст и штета. Тезата е дефинирана како нарачана и е од највисок коруптивен карактер, на докторот му е одземена лиценцата за работа, тој се преселил во САД, но и таму не му е дозволено да работи на струката. Но, штетата е направена. Албер Ками вели: „Таму каде што ќе помине сомнежот, чисто не останува“. Денес постојат високостручно-научни докази дека една од посериозните причини за аутистичките појави е и генетската, и дека е поврзана доминантно со ДНК т.е. со геномите на таткото.
После ваквите информации – дезинформации, малку им требаше на некои родители да се здружат преку социјалните мрежи и да создаваат т.н. антивакцинални групи. Благодарение на пандемијата со коронавирусот, со својата застрашувачка непредвидлива вирулентност, смртност, моќ за мутирање, со монструозна ќуд, белким ќе ги отрезни и најокоравените заробени умови, во интерес, пред се на здравјето на своите деца, кои си ги сакаат, својата иднина и иднината на целото човештво, на преубавата планета – Земја. Се очекува и тие да се вклучат во натпреварот за што поголем успех и опфат со постојните вакцини против бројните заразни заболувања, пред се кај децата но и кај возрасните.
Денес постојат високостручно-научни докази дека една од посериозните причини за аутистичките појави е и генетската, и дека е поврзана доминантно со ДНК т.е. со геномите на таткото
Што се случи кај нас за успешната приказна за вакцинацијата да се претвори во наша ноќна мора
Кратка хронологија: Во 2001 година веќе беа започнати структурни реформи во сите области, па и во здравството. За таа цел владата побара експерти од Светската банка, финансирани со високи хонорари од нашиот буџет. За таа цел беше формирана ПРОЕКТНА ЕДИНИЦА при ИНСТИТУТОТ ЗА ЈАВНО ЗДРАВЈЕ, предводена од наши професори – експерти, под покровителство на Министерството за здравство. Светската банка за таа цел го испрати експертот Бруно Гомез, инаку човекот е просечен економист, менаџира една приватна поликлиника во Лондон, и случајно во тој период неговата сестра е директор на филијалата на истата банка, а јас бев лекар на нејзините деца. Експертот прави бела книга за финансиската состојба во Фондот за здравство. Констатира дека Македонија нема доволно финансиски средства да финасира специјалисти по ПЕДИЈАТРИЈА, ШКОЛСКА МЕДИЦИНА, ГИНЕКОЛОГИЈА И ЛЕКАРИ ОПШТА ПРАКСА ВО ПРИМАРНАТА ЗДРАВСТВЕНА ЗАШТИТА. Предлага овие специјалности да се укинат, но истовремено да се воведе ПРИВАТНО КОНЦЕСИОНЕРСТВО. Притоа не водејќи сметка дека во претходните 65 години (од 1946 год.) макотрпно е градена национална здравствена стратегија, мрежа и кадар, при што токму во ПЗЗ се постигнати најдобри резултати во сите области и кај сите структури на население, а најмногу во педијатриската служба.
Во 2007 година е докусурена примарната здравствена заштита во педијатријата, од страна на тогашниот министер (хирург), со укинување на ДРЖАВНИОТ УНИТАРЕН – ХОЛИСТИЧКИ ДИСПАНЗЕРСКИ модел. Тој модел функционираше: еден педијатар, две одделенија за здраво и болно дете и две сестри. Наместо извонредно успешниот државен орг. диспанзерски модел, преземен од нордиските земји, се воведе дуален – дихотомен модел: ДРЖАВНИ ВАКЦИНАЛНИ ПУНКТОВИ (какви што има само во Африка) и ПРИВАТЕН КОНЦЕСИОНЕРСКИ МОДЕЛ
Во прифаќањето на овие катастрофални реформи, за жал учествуваа најрелевантните институции и здруженија, иако сите тие беа сведоци и учесници во постигнатите резултати, сепак со неподнослива леснотија, сите ги прифатија погрешните реформи, без да размислуваат за последиците во иднина, кои многу тешко се исправаат.
Во тие институции и здруженија спаѓаат:
1) ИНСТИТУТОТ ЗА ЈАВНО ЗДРАВЈЕ, преку ПРОЕКТНАТА ЕДИНИЦА;
2) МАКЕДОНСКОТО ЛЕКАРСКО ДРУШТВО;
3) ЛЕКАРСКАТА КОМОРА;
4) ДЕКАНОТ НА МЕДИЦИНСКИОТ ФАКУЛТЕТ и
5) МИНИСТЕРОТ ЗА ЗДРАВСТВО.
- Мал куриозитет: Во Словенија таквите реформи ги спречи токму Институтот за јавно здравје со поддршка на директорката на УНИЦЕФ.
- Уште еден куриозитет, тогашниот министер важеше за добар епидемиолог и има добиено ПЛАКЕТА за животно дело. Каква иронија на професиите и беспоговорна послушност, со катастрофални последици, кои и ден-денес не може да се исправат. Но и крива Дрина не може до крај да се исправи, али тоа не значи дека не треба до крај да се залагаме, да ја исправиме, би рекол Иво Андриќ.
2007 година – друга сериозна причина за влошувањето на состојбите на здравствената заштита, каде припаѓа и вакцинацијата
Во таа година е докусурена примарната здравствена заштита во педијатријата, од страна на тогашниот министер (хирург), со укинување на ДРЖАВНИОТ УНИТАРЕН – ХОЛИСТИЧКИ ДИСПАНЗЕРСКИ модел. Тој модел функционираше: еден педијатар, две одделенија за здраво и болно дете и две сестри. Наместо извонредно успешниот државен орг. диспанзерски модел, преземен од нордиските земји, се воведе дуален – дихотомен модел: ДРЖАВНИ ВАКЦИНАЛНИ ПУНКТОВИ (какви што има само во Африка) и ПРИВАТЕН КОНЦЕСИОНЕРСКИ МОДЕЛ. Резултатите во превентивата и во куративата се очигледни и загрижувачки. За да се исправи таквата катастрофално погрешна реформа, не е можна без посебна одважност и храброст од страна на министер со поддршка на владата и институциите и здруженијата, кои учествуваа во рушење на успешниот здравствен систем, но и на пошироката стручна јавност, но и на целокупната граѓанска јавност, каде спаѓаат и најзаинтересираните родители, чиј глас никако не може да се слушне, без овие услови, реформа на погрешна реформа, е скоро невозможна мисија. (продолжува)
