ПИШУВА:
Прим. д-р Методија Томевски
специјалист педијатар
♦♦♦♦♦♦♦
ЗАБЛУДИ И ФАКТИ ЗА ВАКЦИНИТЕ (1)
ЗАБЛУДА БР. 1: Тритипната вакцина против морбили, рубеола и паротит (МРП) предизвикува аутистички појави
Оваа вакцина се применува во целиот свет од 1978 год.
Поединечната вакцина против морбили во Европа се применува уште од 1968 год., во Македонија од 1972 год., а како тритипна од 1982 год. Не постојат до денес релевантни докази дека оваа вакцина е директна причина за појава на аутистички појави кај децата вакцинирани и ревакцинирани со оваа вакцина. Правени се повеќе студии при што се анализирани повеќе од 1.500.000 деца, и не успеале да докажат дека има поврзаност помеѓу вакцината МРП и аутизмот. Во интерес на вистината за поединечните појави на аутизам, се уште не постојат доволно докази за главните причини. Но, постојат релевантни докази дека овие појави се регистрирани кај деца пред да ја примат оваа вакцина. Научниците сметаат дека овие појави се доминантно генетски т.е. развојни, и дека се појавуваат уште во утробата на мајката, при развојот и диференцирањето на мозочните структури, кои после раѓањето во различни периоди покажуваат различни клинички манифестации и испади. Постојат најнови информации дека овие појави, доминантно се поврзани со геномот на таткото.
Вакви појави постоеле многу одамна, во различни форми, и пред да биде откриена вакцината против морбили, и за нив народот имал свои видувања, а докторите свои ставови.
Откако е воведена оваа вакцина, од 1978 год. иако нема егзактни статистички податоци, сепак се смета дека до денес, околу 42 години, се вакцинирани и ревакцинирани повеќе од 2 милијарди деца. Бројот на деца со аутистички појави недоволно статистички обработен, но сепак, експертите од демографскатата статистика, сметаат дека е занемарлив, иако за тие деца уште повеќе за нивните родители, апсолутно не е занемарлив, туку напротив е премногу сериозен и заслужува посебно внимание и грижа, пред се од стручната фела, од државата, но и од општеството. Се надеваме дека науката, особено генетиката ќе ја открие правата причина, а со тоа ќе може да се делува уште во утробата на мајката, било превентивно било тераписки.
Родителите се дезинформирани и мислат дека вакцините содржат прекумерни токсични материи, меѓу нив на прво место е живата, потоа алуминиумот. Точно е дека овие материи во високи концентрации можат да бидат штетни за здравјето на детето. Но, родителите не се доволно информирани, дека сите овие материи и без вакцини се создаваат во нормалниот метаболизам, но и дека некои и се внесуваат преку храната, поточно преку мајчиното млеко. На овој начин нивните концентрации се далеку од оние минимални содржани во вакцините
Најсериозната анти-МРП пропаганда, или порачани и платени заблуди, започнуваат во 1998 год. кога организирано настапија десетина родители, неколку адвокати, предводени од детскиот хирург, Ендрју Вејкфилд и неколку негови соработници, за сума од 650.000 фунти. Тој тврдеше дека МРП вакцината е директен причинител на аутистичките појави кај децата кои биле нивни пациенти поради различни стомачни заболувања. Тие пари ги барале како обештетување од фирмите кои ја произведувале вакцината, и со намера д-р Ендрју да произведува и пласира поединечна вакцина против МРП. Тие свои „научно издржани“ факти, ги презентираа во престижното медицинско списание „ЛАНСЕТ“. Но таа е чиста користољубива манипулација, и затоа Кралското лекарско друштво на Велика Британија покрена постапка, за побивање на нивното тврдење.
Новороденото бебе, т.е. неговиот имунолошки капацитет е во состојба да одговори на стотици вакцини во исто време. Дури и кога би се аплицирале сите 15-тина вакцини одеднаш, тие би искористиле само околу 0,1 % од својот имунолошки капацитет. При пораѓање бебето се соочува за прв пат, излегувајќи од скоро стерилни услови, со милиони бактерии. Доколку бебето не би поседувало имунолошки капацитет да се справи со оваа новонастаната состојба, тоа не би можело да преживее
Конечно после 12 години истражување на Етичката комисија, докажано е дека нивниот став е ноторна лага, на д-р Ендрју му е одземена лиценцата доживотно и е пребегнат во САД, каде што продолжи да манипулира али набрзо е откриен и нема право да работи. Правдата е постигната, али штетата е направена. Таму каде што ќе помине сомнежот, никогаш чисто не останува (Албер Ками) и таквото нивно тврдење се прошири и во САД и во европските земји, па и кај нас. Уште доста време ќе помине додека и лековерните и заробени умови, со кои владеат бруталните емоции, а не разумот и широкиот интерес, но сепак, вистината долго време може да се танчи али никогаш не се прекинува и дефинитивно ќе си дојде на свое место.
Кратко потсетување, за коинциденцијата на таа фамозна 1998 год. Здружението на педијатри на Македонија се здоби со ЗЛАТНА ПЛАКЕТА од СЗО, за највисоките успеси во примарната превентивна дејност, особено на мерливиот опфат за сите вакцини изнесуваше од 98 %. Во тој опфат спаѓаше и тритипната МРП вакцина, за да последните години поради отпорот према МРП вакцината, опфатот се движи околу 82 % до 84 %. А во европските земји е уште понизок. Ние неодамна бевме сведоци на епидемиски појави на паротитис (заушки) и морбили. За среќа без потешки последици.
Довербата кај родителите постепено ќе се врати, но само ако им се врати и неприкосновеното право на децата, за нивното здравје и во иднина да се грижи најкомпетентниот стручњак, а тоа е педијатарот. Во моментот педијатрите во ПЗЗ се десеткувани. Очекуваме било која влада и министер во најкраток временски период да донесе НАЦИОНАЛНА ПРОГРАМА СО НАЈДОБАР ОРГАНИЗАЦИОНЕН МОДЕЛ, НАЦИОНАЛНА МРЕЖА НА ДЕТСКИ И ДЕТСКО-ШКОЛСКИ ДИСПАНЗЕРИ И НАЈВАЖНО НАЦИОНАЛНА КАДРОВА ПОЛИТИКА.
ЗАБЛУДА БР. 2: Вакцините содржат токсични материи
Родителите се дезинформирани и мислат дека вакцините содржат прекумерни токсични материи, меѓу нив на прво место е живата, потоа алуминиумот. Точно е дека овие материи во високи концентрации можат да бидат штетни за здравјето на детето. Но, родителите не се доволно информирани, дека сите овие материи и без вакцини се создаваат во нормалниот метаболизам, но и дека некои и се внесуваат преку храната, поточно преку мајчиното млеко. На овој начин нивните концентрации се далеку од оние минимални содржани во вакцините.
Овие материи кои се додаваат на вакцините, нивната улога е да ги стабилизираат како би нивната употреба била подолготрајна. Конкретно живата којашто се додава како стабилизатор во форма на „тимеросал“, претставува етил жива, не е токсична бидејќи нејзиниот полуживот на распаѓање изнесува само 6 дена, потоа се излачува преку урината. Додека метил живата е токсична и долго се задржува во организмот. Слична е состојбата со метил алкохолот, кој го има во текот на дестилацијата во ракијата, виното и пивото, и тој е штетен за здравјето на човекот. Додека повисокиот дестилат етил алкохолот, во добро познатите оптимални дози – концентрации не е штетен, и се користи но само од возрасните.
Алуминиумот, кој се користи во некои вакцини, во мали проверени и дозволени дози, неговата улога е да го подобри имуниот одговор кај детето во раст и развој. На пример, во една доза вакцина има 4 мг алуминиум, а во еден подој во мајчиното млеко содржи околу 10 мг алуминиум, додека вештачкото млеко за бебиња во еден оброк содржи околу 30 мг алуминиум, а доколку е добиено од соја тогаш може да содржи и неколку пати повеќе алуминиум.
ЗАБЛУДА БР. 3: Децата не можат да примат повеќе вакцини одеднаш?
ПОГРЕШНО. Се мисли дека новороденото бебе нема имунолошки капацитет да прими одеднаш повеќе вакцини. Вистината е следна: новороденото бебе, т.е. неговиот имунолошки капацитет е во состојба да одговори на стотици вакцини во исто време. Дури и кога би се аплицирале сите 15-тина вакцини одеднаш, тие би искористиле само околу 0,1 % од својот имунолошки капацитет. При пораѓање бебето се соочува за прв пат, излегувајќи од скоро стерилни услови, со милиони бактерии. Доколку бебето не би поседувало имунолошки капацитет да се справи со оваа новонастаната состојба, тоа не би можело да преживее. Понатаму изложени на надворешната средина, секојдневно се среќаваат со бројни вируси и бактерии и габи, така што вакцинацијата е занемарлива. (продолжува)
