ПИШУВА:
Прим. д-р Соња Петровска
педијатар-пулмоалерголог
♦♦♦♦♦♦♦
Уртикаријата (Urticaria) претставува појава на црвени подигнати промени на кожата. Тие можат да се појават насекаде на телото и да изгледаат како мали мали точки или големи меѓусебно поврзани испакнатини.
Уртикаријата може да трае од неколку часа до една недела (понекогаш и подолго), а нови промени може да ги заменуваат оние кои исчезнуваат. Уртикарија која трае 6 недели или помалку се нарекува акутна уртикарија, а онаа која трае подолго од 6 недели е хронична уртикарија.
Алергиска реакција може да предизвика уртикарија, но таа може да е резултат и на екстремни температури, стрес, инфекции или болести. Во некои случаи, уртикаријата е придружена со ангиоедем, состојба која може да предизвика оток околу очите, усните, рацете, нозете или грлото. Многу ретко, уртикаријата и ангиоедемот се поврзани со алергиска реакција која го вклучува целото тело или се развива афилактичен шок.
Уртикарија поради физички причини, како што се притисок, студ или изложување на сонце, се нарекува физичка уртикарија
Причини
Црвените промени на кожата се јавуваат кога маст клетките во крвотокот ослободуваат хистамин, што предизвикува пропустливост на малите крвни садови под кожата. Течноста се собира во рамки на кожата и се формира оток. Ова може да се случи поради повеќе причини, но најчесто причината останува непозната. Најчесто, уртикаријата се поврзува со алергиска реакција, која може да предизвика кожни промени во рок од неколку минути.
Може да биде тешко да се открие што предизвикува хронична уртикарија, иако понекогаш е поврзано со болест на имунолошкиот систем, како лупус. Некогаш, лекови, храна, инсекти или инфекција може да бидат причина за појава на уртикарија
Причини за уртикарија најчесто се:
• храна, особено школки, ореви, млеко и овошје
• лекови и контрастни средства
• миленичиња и други животни
• полен
• каснување од инсекти и убоди
Уртикарија може да е предизвикана од други причини:
• инфекции, вклучувајќи и настинки
• вежбање
• анксиозност или стрес
• изложеност на сонце
• изложеност на студ, како на пример, нуркање во ладен базен
• контакт со хемикалии
• гребење
• притисок врз кожата, како што е премногу долго седење или носење на тежок ранец преку рамо. Уртикарија поради физички причини, како што се притисок, студ или изложување на сонце, се нарекуваат физичка уртикарија.
Може да биде тешко да се открие што предизвикува хронична уртикарија, иако понекогаш е поврзано со болест на имунолошкиот систем, како лупус. Некогаш, лекови, храна, инсекти или инфекција може да бидат причина за појава на уртикарија.
Често, сепак, лекарите не знаат што ја предизвикува хроничната уртикарија.
- Во наредното продолжение:
Прим. д-р Соња Петровска: Знаци и симптоми, дијагноза и лекување на уртикарија
◊◊◊◊◊◊◊
ПОВЕЌЕ ОД ИСТИОТ АВТОР, ПРИМ. Д-Р СОЊА ПЕТРОВСКА:
- Продолжена или постојана изложеност на алергенот може да предизвика хронично воспаление кое води кон астма
- Тешки алергии и алергии на јаткасти плодови и школки се со поголема веројатност да бидат доживотни
- Oралниот алергиски синдром се карактеризира со трнење или чешање во устата, а во посебни случаи и отекување на грлото
- Без примање на терапија, некои деца ја надминуваат алергијата на храна со возраста
