Овој вирус е сè уште непознат, но врз основа на она што сега го знаеме и што ни е достапно од податоците, е дека вакцината секако нè штити од коронавирусот. Многу е важно што со ревакцинацијата се зголемува времетраењето на имунитетот, и што се зголемува нивото на антитела
Српскиот вирусолог проф. д-р Ана Глигиќ вели дека вакцината против COVID-19 ја зголемува отпорноста на организмот, добиваме антитела, како и имунитет, кој би требало да не штити од инфекција. Напоменува дека сите кои немаат контраиндикации треба да се вакцинираат, вклучително и оние кои го прележале коронавирусот. Таа исто така објаснува дека допрва ќе се испитува дали ќе биде потребно секоја година да се вакцинираме против коронавирус, доколку почне да се појавува сезонски, како грипот.
„После првата доза на примена вакцина, нивото на антитела е околу 92 проценти, а ревакцинацијата само го потврдува тоа. Значи, ја зголемуваме отпорноста на организмот и се зголемува времетраењето на вакцината. Имунитетот го стекнуваме по примање на втората доза околу 90 проценти. Исто така, би сакала да истакнам дека со тек на време секако ќе разбереме повеќе за сето ова, мислам пред се на прецизно точниот процент на антитела, како и на имунитетот. Овој вирус е сè уште непознат, но врз основа на она што сега го знаеме и што ни е достапно од податоците, е дека вакцината секако нè штити од коронавирусот. Многу е важно што со ревакцинацијата се зголемува времетраењето на имунитетот, и што се зголемува нивото на антитела. Секако ќе се испитува уште дали ќе треба да се вакцинираме против коронавирус секоја година или не, ако тој започне да се појавува сезонски или да мутира. Се разбира, во согласност со тоа, доколку тоа се случи, ќе продолжиме да работиме на модернизација на постојните вакцини, но тоа сигурно нема да биде на штета на квалитетот на вакцината, значи може да биде само уште поквалитетна“, објаснува вирусолог проф. д-р Ана Глигиќ.
Глигиќ додава дека сите вакцини се добри, а како што вели, многу е задоволна од методологијата на правење на кинеските, како и руски вакцини.
„Сите вакцини се добри и служат за да создадат антитела. Многу вакцини се прават мртви за да не заштитат од вирусот. На пример, кинеската вакцина може да се даде и на деца и на возрасни затоа што е во прашање умртвен вирус кој го внесуваме во нашиот организам, а кој веројатно би го „собрале“ жив на улица. Овде е добро тоа што внесуваме мртов вирус врз основа на кој добиваме антитела и подобро е така отколку да го „собереме“ на улица. Тоа е класична вакцина за која се залагам. Се разбира, добра е и руската, како и сите останати кои се во оптек“, објаснува Глигиќ, за српскиот портал „Еспресо“.
