„Нема многу искуство за вакцините што ќе се случи ако човек што бил позитивен ја прими вакцината. Догодина најголем проблем ќе се случи со децата што ќе тргнат во градинка и училиште, вирусите ќе мора да се наплатат, сега имунитетот на тие деца што не одат во образовните институции им е заспан. Сега е вонредна ситуација, догодина ќе имаме други болести“, истакна проф. д-р Никола Пановски, микробиолог, за време на гостувањето во „Студио 10“ на ТВ24.
Сега е вонредна ситуација, догодина ќе имаме други болести
Нашиот истакнат микробиолог објасни дека децата се поотпорни на Ковид од други инфекции, првенствено грип. „Стагнацијата на бројката е поради тоа што луѓето станаа свесни дека болеста постои, сега не сум слушнал за големи журки, нешто што се случуваше претходно. Ова ширење на бројките е неминовно. Најмногу зарази се од јавен или приватен превоз и работни организации. Маските не штитат 100%, ако неколку луѓе се во автомобил и имаат маски, а еден е позитивен, неминовно е некој да се зарази од оние кои се негативни. Сега и колективниот имунитет има влијание, за 2 недели се надевам дека ќе почне да падне бројот на активни случаи, ќе падне и бројот на хоспитализации“, додаде проф. д-р Пановски.
Проф. д-р Пановски вели дека ако новогодишните празници се поминат без зарази, тогаш колективниот имунитет ќе се стекне и порано. Оттука и апел до лидерите на сите партии да дадат соопштение да се биде дома за Нова Година. „Да не се собираат во затворен простор, ако е така ќе се спасат животи“, вели проф. д-р Никола Пановски.
