ПИШУВА:
Проф. д-р Снежана Палчевска – Коцевска,
педијатар – неонатолог
♦♦♦♦♦♦♦
Кожата на новородените и малите доенчиња е мека и нежна како кадифе. Таа нежност и убавина бара посебно внимание. Бебешката кожа има свои специфики, кои произлегуваат од нејзината незрелост. Површинскиот слој на кожата на новороденото е многу сензитивен, а поткожното масно ткиво многу тенко. Активноста на лојните и потните жлезди не е комплетно воспоставена, а тоа се основни алатки за одбрана на кожата од надворешните неповолни влијанија.
Кожата на новородените содржи помалку масти, а повеќе вода, која лесно ја губи. Лесно се суши и пука и е поосетлива на негативните надворешни влијанија и механички дразби. Пермеабилноста на кожата е голема, па апсорпцијата на локално применетите агенси, е многу поголема споредено со зрелата кожа понатаму во животот. Оттаму е зголемена опасноста за системска токсичност и појава на преосетливост (алергии).
Затоа златно правило за бебешката кожа е „што помалку, тоа подобро“.
Во минатото родителите се трудеа да пружат што поголема нега на своето бебе, капејќи го секојдневно во миризливи купки, аплицирајќи разни креми и лосиони на нивната кожа, за да го постигнат својот идеал – чисто и мирисливо бебе.
Препораките на педијатрите треба да бидат мудри. Да се однесуваат главно за безбедноста и правилен раст и развој на бебето, но и да има во нив компонента која ќе овозможи прифатлив комфор кај родителите
Но сознанијата се променија, а со тоа и препораките.
Терминот „хемиска супа“ кој се сретнува во литературата во себе ги вклучува целокупната храна која ја консумираме, облеката која ја носиме и козметиката која ја користиме за да бидеме чисти и дотерани. За малите деца, чија кожа е многу ранлива и незрела ова веќе станува проблем. Нивната кожа е тенка, имуниот систем незрел, а од самиот почеток се изложени на низа хемиски супстанции. Затоа стана почеста појавата на егземи, астма и други алергиски болести.
И така почна ерата на многу строги препораки. Првата препорака која се разликуваше од претходниот период е дека бебето не треба да се капе секој ден. Најдобро е капење двапати неделно само со чиста вода, или евентуално екстракти од овошја или други билки.
Често да се менуваат пелените. Кога детето има измет во пелената, најдобро би било да се измие со истечна вода и добро да се исуши пред ставање на нова пелена.
И историски гледано педијатрите се едни од најконзервативните доктори. Тешко прифаќаме промени и често препораките ни се исклучиво насочени кон комодитетот и безбедност на бебињата.
Кожата на новородените содржи помалку масти, а повеќе вода, која лесно ја губи. Лесно се суши и пука и е поосетлива на негативните надворешни влијанија и механички дразби. Пермеабилноста на кожата е голема, па апсорпцијата на локално применетите агенси, е многу поголема споредено со зрелата кожа понатаму во животот. Оттаму е зголемена опасноста за системска токсичност и појава на преосетливост (алергии)
Па така долго време бевме против користење на „вештачки пелени“, цуцли лажалки, влажни марамчиња. Препораката за ексклузивно доење уште од првите денови по раѓање, доведе до тоа да многу мајки се откажат од доење, бидејќи не можеле да го издржат притисокот од постојаното плачење на бебето во првите денови по раѓање, кога лактацијата се уште не е целосно воспоставена. Па така сега советуваме првите денови, па и недела-две после раѓање да му се додаде на бебето малку адаптирано млеко во некој период на денот, за мајката да има време за физички и психички одмор. И оваа „ситна“ измена навистина даде резултат. Сега процентот на доени бебиња до шест месеци е навистина во пораст. Се разбира и други фактори (информираност, едукација на мајките) придонесоа до ова.
Препораките на педијатрите треба да бидат мудри. Да се однесуваат главно за безбедноста и правилен раст и развој на бебето, но и да има во нив компонента која ќе овозможи прифатлив комфор кај родителите.
Па всушност, нели „се бориме“ да се раѓаат повеќе бебиња!!??
Новите генерации на млади родители имаат свои потреби различни од родителите во минатото. Тие сега се подолго на работа, се помобилни, патуваат, со еден збор се поотворени кон светот.
Терминот „хемиска супа“ кој се сретнува во литературата во себе ги вклучува целокупната храна која ја консумираме, облеката која ја носиме и козметиката која ја користиме за да бидеме чисти и дотерани. За малите деца, чија кожа е многу ранлива и незрела ова веќе станува проблем. Нивната кожа е тенка, имуниот систем незрел, а од самиот почеток се изложени на низа хемиски супстанции. Затоа стана почеста појавата на егземи, астма и други алергиски болести
Затоа би било некорисно да даваме препорака дека треба да се одржува хигиена на пеленска регија само со истечна вода. Но она што можеме е да ги насочиме родителите да бираат со каков производ ќе го третираат своето бебе.
Новите технологиии овозможуваат подобар квалитет на пелените, влажните марамчиња, лосионите, бариерните креми, како и средствата за хигиена кои многу ја олеснија „работата“ на родителите што се однесува до одржување на правилна нега и хигиена на своите деца.
Сепак, ова носи и многу ризици, бидејќи не сите производи од овој вид се со ист квалитет и безбедност за бебињата.
Затоа во 2010 година стаса симплифицирана препорака од Mayo Foundation for Medical Education and Research (MFMER) за нега на новородените:
Пред донесување на одлука кое средство да го користите за своето бебе, проверете го следново:
- Реноме на производителот и нормите кои ги почитува во производството;
- Дали содржи потенцијално штетни состојки?;
- Начелно треба да има што помалку хемиски состојки (не треба да содржи додатоци за боја, мирис);
- Каква е текстурата на марамчето – треба да е нежна како памук, да не прави механички ситни абразии на нежната бебешка кожа);
- Идеално би било да се состои само од 100 % органска нежна текстура натопена во вода;
- Како конзерванс може да содржи само во трагови екстракти од билки.
Влажните марамчиња денес се во широка употреба. Наша должност е да ги насочиме родителите каков производ да одберат за своето дете, односно кои перформанси треба да ги исполнува за да е безбедно за бебето.
Како да се изберат најдобрите влажни марамчиња за еднократна употреба за вашето бебе?
Ако сакате да бидете сигурни дека марамчињата што ќе ги користите за вашето бебе нема да предизвикаат несакани ефекти на кожата, важно е да се обрне внимание на составот на овие марамчиња:
- PH вредноста на влажните марамчиња за бебиња треба да биде помеѓу 4,8 и 5,5;
- Не смее да содржи бои, парфеми и парабени;
- Нужно без адитиви;
- Клинички и дерматолошки тестирани;
- Не смее да содржи алкохол, сапун или сурфактанти за пена.
Водата која се користи за навлажнување на марамчињата е течност со многу мала површинска напнатост (добиен во процесот на стерилизација на марамчињата), што овозможува чувство на мекост и многу ефикасно чистење. Капката сок добиена од лист на Aloe Vera е безбедна, пријатна за бебињата и дава низа придобивки за кожата: ја навлажнува, има антимикробно дејство, помага во зачувување на имунитетот на кожата, ја одржува природната бариера и го намалува секој воспалителен процес на кожата.
Влажните марамчиња го олеснија процесот на одржување хигиена на бебињата, бидејќи тие секогаш можат да бидат при рака, лесно се користат и се фрлаат по употреба. Тие одамна се составен дел од содржината на чантата на мајката каде и да оди со своето бебе.
