Често е тешко да се избори, да се дисциплинира и да се смири дете, но тоа е, и тоа како изводливо. Како и останатите родителски активности и дисциплината подразбира трпение. Поставувањето граници и правила ќе им помогнат на животниот пат, така што ќе ги образува во паметни личности кои знаат паметно да бираат.
Бидете доследни
Дисциплината подразбира доследност. Тие не одат едно без друго. Родителите кои не се доследни и не се придржуваат кон правилата кои сами ги поставиле, со голема веројатност одгледуваат деца кои нема да се придржуваат на истите. На пример, доколку му кажете на своето мало дете дека казната е неопходна поради лошото однесување, тогаш прдржувајте се кон тоа и спроведете ја. Не изговарајте празни закани. Заканете се тогаш кога сте сигурни дека ќе го испочитува тоа што го зборувате. Празните закани само го разнишуваат вашиот авторитет. Не заборавајте дека децата учат обрасци на однесување од родителите бидејќи тоа е она што го гледаат пред себе. Тие секогаш и непогрешиво учат според моделот. Потрудете се да бидете добар пример. Доколку сакате вашето дете да ги собере играчките зад себе, погрижете се да ве види доволен број пати како вие ги собирате вашите работи и се грижите за нив.
Отстранете ги искушенијата
До сега сте забележале како детето има постојана потреба да исгражува и љубопитно да учи за светот. Децата по природа се љубопитни и без страв поради што е добро да се отстранат искушенијата кога и да приликите тоа го дозволуваат. Тоа значи да ги трнете од телевизор, телефон или било какви електронски уреди. Секогаш обрнете внимание и на страшните ситни предмети кои може да ги стават во уста. Средствата за чистење и лековите кои се потенцијална опасност, секогаш држете ги на сигурно и недостапно место.
Одвлечете му го вниманието на детето
Ако детето без страв се впушта во опасност да се повреди, секогаш мирно кажете му НЕ и погрижете се да му го одвлечете вниманието со некоја друга активност. Важно е никогаш со сила да не го воспитувате детето. Шамарите и ударите по задникот не се добри воспитни методи. Во раните години од својот живот децата не се способни да направат врска помеѓу своето однесување и физичка казна. Според психолозите пораката што му ја испраќате на детето кога го удирате е дека сосема е во ред да се удри некој кога си лут.
Практикувајте тајм аут
Ако мора да употребите строгост, тајм аутот е ефикасна метода откако детето ќе наполни две години. Дете на оваа возраст кое удира, гризе или фрла храна, мора да знае дека неговото однесување е неприфатливо и заради тоа мора да помине некое време во тајм аут за да се смири. Траењето на тајм аутот значи минута за секоја година на вашето дете. Долгите тајм уати немаат никакви видливи ефекти бидејќи детето ќе прошета бидејќи не го држи место.
Спречете напади на бес (тантруми)
Тантрум е нешто што не ги заобиколува ниту најдобрите од најдобрите деца. Секое дете во еден момент ќе покаже еден тантрум. Зошто се јавува тантрумот? Многу е едноставно: децата на помала возраст тешко ги изразуваат емоциите со зборови, што доведува до фрустрација. Децата се фрустрираат поради разни околности: кога на пример не можат да ја облечат куклата, кога не можат да држи чекор со постарите браќа или сестри. Борбата може да се јави кога детето сака поголема независност и автономија отколку што може да поднесе.
