Лутината е комплицирана емоција и може да биде тешко да го гледате вашето дете како се обидува да управува со неа. Сепак, детскиот психолог Кејтлин Славенс наведува дека лутината не е секогаш лоша.
„Емоциите се гласници, а лутината е вредна порака. Ни дава до знаење дека некој не повредил или дека на некој начин сме злоупотребени“, потенцира Славенс. Ова се три работи кои психологот ги советува родителите да ги кажат кога нивните деца се лути или вознемирени.
- „Гледам дека се лутиш поради ова и можам да разберам зошто“.
Мозокот на возрасен може да препознае дека лутината понекогаш е само мала непријатност, но на децата може да им се чини огромна и неправдена. Затоа, тие треба да знаат дека ги слушаме и гледаме. Кога ќе почувствуваат дека навистина ги разбираме и дека сме на нивна страна, ќе се чувствуваат поудобно и ќе ги регулираат своите емоции.
- „Важно ми е како се чувствуваш и ќе ти помогнам. Што можеме да направиме?“
Мораме да му докажеме на детето дека сме тим и дека сме тука за да бидеме поддршка низ сите големи емоции.
„На децата сакате да им понудите начини кои ќе им помогнат да ја изразат својата лутина. Некои деца сакаат да се движат, некои сакаат да цртаат, а на некои им треба утеха“, вели Славенс.
- “Колку си лут?”
Децата, особено оние кои имаат длабоки чувства, често нема да сакаат да признаат дека чувствуваат емоција што се доживува како негативна. Меѓутоа, кога ќе можат да ги набљудуваат емоциите што ги чувствуваат, ќе бидат охрабрени да преземат контрола и да работат на намалување на нивните емоции.
“Нашите деца не можат да научат како да ја контролираат својата лутина ако претходно не не видат како ние тоа го правиме. Важно е да се изрази љубов и разбирање и да ги поттикнеме децата да ги изразат своите чувства за да изградат здрав емотивен однос”, порачува психологот.
