Денешните родители се држат до повисоки стандарди од кога било досега кога станува збор за воспитувањето на децата и постојано се прашуваат дали тие одат во вистинската насока. Грешките се дел од родителството, како за самите родители, така и за нивните деца.
„Дали правиме доволно добра работа? Дали правиме добро за нашите деца? Лесно е да се изгубиме во споредба со други родители или во резултатите од нашиот успех“, велат детските психолози и споделуваат шест јасни знаци по кои веднаш може да се види дека детето има одличен родител.
1. Отворено ги покажува емоциите пред вас
Иако на повеќето родители им е тешко да го видат детето вознемирено, тажно или исплашено, експертите тврдат дека способноста на детето јасно да ги изразува емоциите пред родителите е всушност добар знак. Детето на тој начин покажува дека се чувствува безбедно со вас.
“Многу ме загрижува кога децата ги кријат чувствата пред родителите. Често тоа е знак за големи проблеми во односот родител-дете”, сметаат психолозите.
2. Ви ги доверува своите проблеми
И додека некои деца се затвораат во себе, други бараат помош од родителите. А тоа, како што велат детските психолози, е добар знак.
„Знеме дека родителот прави одлична работа ако детето му се обрати кога има некаков проблем или нешто го мачи. Тоа значи дека родителите се тие кои претставуваат безбедно место за него и дека им верува. Секогаш детето дочекајте го со раширени раце и биди подготвен да ги сослушате неговите проблеми, без разлика дали се големи или мали. Така му докажувате дека секогаш сте тука за него“, додават тие.
3. Не се плаши од вашите реакции
Сите понекогаш имаме реакции кои навистина не одговараат на ситуацијата и со кои не се гордееме. Сепак, показателот дека детето споделува апсолутно сè со нас, без да се плаши од нашите реакции, докажува дека сме на вистинскиот пат.
„Вашето дете мора да зборува за своите мисли и чувства без страв од вашата реакција. Ова е позитивен знак за отворен однос помеѓу родителот и детето. Некои родители несвесно ја ограничуваат комуникацијата со детето со сопственото однесување како што се претерано реагирање, викање, осудување и слично Мора да ги прифатите мислите и чувствата на детето, но и да ги контролирате своите“, сметаат психолозите.
4. Го поттикнувате да ги следи своите соништа
Родителите редовно слушаат за желбите на нивните деца еден ден да станат актери, пејачи, автомеханичари, истражувачи или астронаути. Иако можеби не верувате во неговите соништа, секогаш поттикнувајте го во неговите идеи и планови. Дури и кога не се согласувате со нив. Психолозите тврдат дека ова е една од главните точки на правилното воспитување. Важно е да го поттикнете детето да сонува, да биде храбро и смело. Ова ќе му помогне да ги оствари своите желби во детството, но и во подоцнежниот живот.
5. Поставувате граници за да го заштитите вашето дете
Одличните родители го насочуваат однесувањето на своето дете со поставување на промислени граници и ограничувања. Децата кои не знаат за граници често завршуваат во проблеми или се губат во својата слобода.
6. Подготвени сте да ги исправите своите грешки
Способноста да ги поправите нарушените односи со вашето дете е знак дека сте одличен родител. Ако викате, претерано реагирате, обвинувате или му викате на вашето дете, важно е подоцна да ги решите работите заедно.
