Бројни досегашни истражувања ги покажале штетните последици што ги остава физичкото казнување на децата. Меѓутоа, некои родители се уште веруваат дека понекогаш тоа е единствениот начин на детето да му се покаже дека згрешило или дека не се однесува како што треба.
Рускиот психолог Михаил Лабковски открил сериозни последици кои удирањето на детето може да ги остави на неговата психа. Како што објаснува, да се тепа детето значи да се скрши неговата верба во живот. Така во само неколку зборови тој ја открива главната причина зошто родителите тоа никогаш не смеат да го прават.
“Удирањето не е воспитување, тоа е само показател на вашата агресија. Неможност за ваша самоконтрола. Постојат многу подобри и поефикасни методи на воспитување, а децата најмногу учат од она што го гледаат кај своите родители. Ве молам, пронајдете сила во себе и сфатете дека не е во ред да се тепаат децата. Можно е и вас родителите да ве тепале во детството и сигурно се сеќавате на тој ќотек како најболно искуство од детството. Важно е да се нагласи дека ова е многу сериозна и важна тема за која денес многу малку се зборува“, објаснува Лабковски и на тој начин апелира на родителите никогаш да не користат физичко казнување.
“За да пораснете дете со самодоверба, како родители треба да научите да живеете онака како што сакате да живеете. Сигурно сонувате вашите деца да знаат што сакаат, а како да ги научите на тоа? Тешко, особено ако не знаете како да ги остварите сопствените желби. Имено, луѓето кои не знаат што навистина сакаат живеат во еден вид хаос што попатно им го пренесуваат на своите деца, што во никој случај не е добро ниту препорачано“, додава тој.
