Понекогаш сите родители ненамерно кажуваат нешто што не го мислат, особено ако тој ден се под голем стрес или едноставно неуспешно се обидуваат да ги исполнат барањата на своите деца. Експертите предупредуваат дека родителите понекогаш им кажуваат работи на своите деца кои можат да имаат сериозни последици и треба да се избегнуваат секогаш кога е тоа можно.
Ејми Морин, психотерапевт и автор на бројна литература на тема одгледување на деца, ги наведува речениците кои родителите никогаш не би смееле да им ги кажат на своите деца.
„Никогаш нема да можеме да си го дозволиме тоа“
Ако нешто што навистина го сакате е надвор од вашата финансиска моќ, не инсистирајте на тоа дека никогаш нема да го имате само затоа што парите ве спречуваат. „Наместо тоа, покажете им на вашите деца дека ги контролирате вашите финансии. Можете да кажете, на пример, дека вашиот сон е еден ден да купите голема куќа. Но, бидејќи моментално немате финансиски средства, можете да му објасните на детето дека ќе посетувате некои онлајн курсеви за да можете да ги подобрите вашите вештини на работа и да добиете покачување“, објаснува терапевтот.
Наместо да реагирате со бес во одредена ситуација, многу подобро е да кажете „Не ми се допаѓа кога го правиш тоа“, а потоа да му објасните на детето и зошто. Имено, важно е децата да разберат како нивното однесување може да влијае на другите, а тоа ќе ги поттикне да бидат посвесни за чувствата на другите луѓе, а не само за своите
Или ако вашето дете навистина сака да оди на некоја екскурзија, можете да му објасните дека не можете да си ги дозволите билетите во моментов бидејќи тоа не е во вашиот буџет за оваа година. Потоа размислете да му набавите касичка да собере џепарлак за да почне да штеди за патувањето што го сака“, додава таа.
„Ме лутиш“
Штом ќе станете родители, во повеќето случаи е важно да останете смирени и да се спротивставите на нагонот да ги обвинувате вашите деца или кој било друг за вашите сопствени емоции. „Наместо да реагирате со бес во одредена ситуација која не ви одговара, наместо оваа изјава многу подобро е да кажете „Не ми се допаѓа кога го правиш тоа“, а потоа да му објасните на детето и зошто. Имено, важно е децата да разберат како нивното однесување може да влијае на другите, а тоа ќе ги поттикне да бидат посвесни за чувствата на другите луѓе, а не само за своите“, советува Морин.
„Ја мразам мојата работа“
Да речеме дека сте имале напорен ден на работа и само сакате да се вратите дома и да му се пожалите на партнерот за се. Можеби ќе ви изгледа безопасно затоа што не сте им се обратиле директно, но запомнете дека децата ги забележуваат ваквите изјави. Всушност, студиите откриле дека нашите ставови за животот имаат големо влијание врз одредувањето на успехот на нашите деца, особено кога станува збор за нивниот академски успех. Терапевтката исто така предупредува дека секое жалење за работата во близина на децата ги учи вашите малечки дека работата не е забавна. Како резултат на тоа, тие може да пораснат верувајќи дека зрелата доба е всушност време поминато во целосна беда и депресија.
„Се ќе биде во ред“
Ако вашето дете не било успешно во нешто, вашето уверување дека сè ќе излезе добро нема да го подготви соодветно за иднината, смета терапевтката. Наместо да им каже дека секогаш постои среќен крај, таа советува дека треба уште од мали да ги учите децата да бидат доволно силни за да се справат со неизбежните проблеми кои се дел од животот.
