Во текот на првата година од животот, бебињата најмногу растат, иако нивните активности во тој период се сведуваат само на спиење, хранење и играње. Токму овој период е оној кога забрзаниот раст е најочигледен на физичко ниво.
Стручњаците наведуваат дека децата на училишна возраст растат околу два сантиметри годишно, додека во првите 12 месеци од животот, бебето расте 25 сантиметри.
Иако секое дете е единствено, во првите седум дена од животот, работите се комплетно исти за сите. Имено, бебето во првата недела научило да цица, а мајката се прилагодила.
Интересно е дека оној момент кога мајката ќе помисли дека е утврден распоред на доење, почнува да се сомнева дека бебето е постојано гладно.
Во првата година од животот метаболизамот на бебето е многу брз, па и потребата за храна некогаш може да биде поголема во однос на други денови. Стручњаците напоменуваат дека е во прашање сосема нормална појава. Покрај стравот дека детето е гладно, родителите често ги мачи и недостатокот на сон или прекумерното спиење.
Спиењето игра важна улога во производството на хормонот на раст. Ако бебето е спанко, тогаш оставете го да спие, бидејќи така, тоа расте. Доколку бебето не сака да спие, потрудете се да му обезбедете соодветни услови.
Ако бебето е вознемирено, тоа може да укажува на одреден проблем, додека бебе кое е постојано гладно може да укажува на недостаток на млеко.
Грижата и вниманието се да се направи и да биде како што треба е нормална појава, но немојте премногу да се оптоварувате. Во првата година од животот, детето треба да ужива, бидејќи тој период минува за час.
