Студија спроведена од истражувачи од британскиот Универзитет Источна Англија покажала дека невроните кај многу мали деца за кои редовно се зборува се чини дека се поефикасни, пренесува Science Alert.
Имено, со скенирање се открило дека областите на мозокот одговорни за обработка на говорот и јазикот, сложени функции кои вклучуваат неколку делови од мозочниот кортекс, содржат поголема концентрација на миелин.
Тоа е мека бела повеќеслојна обвивка составена од липиди и протеини што ги обвива невроните и им овозможува да испраќаат пораки побрзо и поефикасно.
Не е познато дали дополнителниот миелин е одговорен за јазичните способности на двеиполгодишното дете, но научниците веруваат дека тоа би можело да биде од големо значење.
Велат дека миелинот обвиткан околу невроните личи на леплива лента поставена на цевка со дупки. Тоа му помага на невронот да прима повеќе сигнали на патот од точката А до точката Б, а со тоа ја зајакнува врската со другите неврони.
Зборувајте со децата
Иако научниците треба дополнително да ги проучуваат споменатите процеси, пораката до родителите и другите старатели на деца е јасна – разговарајте со вашето бебе, вашето многу мало или малку постаро дете, разговарајте“, вели Џон Спенсер, когнитивен психолог од Универзитетот Источна Англија.
„Покрај тоа што детето ве слуша, тоа што го кажувате влијае на неговиот мозок и на тој начин го обликува“.
Пораката е едноставна, но како дел од студијата се покажало дека повеќе говор и разговор со детето не секогаш стимулираат поголема ефикасност на невроните во неговиот мозок.
Затоа, научниците одлучија да постават мини уреди за снимање на 140 многу мали деца и доенчиња во текот на три дена, со цел да слушаат преку илјадници часови аудио снимки што слушале децата секој ден.
Потоа, нешто повеќе од половина од децата биле подложени на магнетна резонанца додека спиеле. Се покажало дека кај шестмесечните доенчиња, поголема количина на изговорено на дневна основа е поврзана со помала миелинизација, што е спротивен резултат од оној кај двегодишните деца.
Развојот на детскиот мозок поминува низ различни фази
Иако резултатот бил неочекуван за научниците, проф. Спенсер објаснува дека развојот на мозокот на бебето природно поминува низ неколку фази.
Понекогаш нивниот мозок е зафатен со изградба на нови клетки, додека друг пат е зафатен со прочистување на клетките што веќе ги изградил.
Се чини дека во првите неколку години од животот на детето, растот на овој важен орган е најзначаен, па до втората година од животот, мозокот на детето достигнува 80 проценти од волуменот на мозокот на возрасен.
„Податоците покажуваат дека разговорот со дете на шест месеци е исто толку важен како и со постаро дете на 30 месеци. Но, тој говор има поинаков ефект врз мозокот на детето, бидејќи тој е во друга „состојба““, пишува проф. Спенсер во една статија неодамна објавена во магазинот The Conversation.
Иако за тоа во моментов може само да се нагаѓа, експертите велат дека е можно да, ако шестмесечното бебе многу често е изложено на обраќање и говор на родителите, тоа може да ја одложи миелинизацијата, но во исто време да поттикне раст на мозокот.
