Британските лекари веруваат дека ја утврдиле причината за неодамнешните мистериозни проблеми со воспаление на црниот дроб кај децата и наведуваат дека истражувањата покажале дека виновници се два вируса кои обично не предизвикуваат никакви проблеми во организмот.
Два тима истражувачи од Лондон и Глазгов дојдоа до заклучок дека поради ограничувањата воведени за време на пандемијата на Ковид, децата многу подоцна од вообичаено дошле во контакт со два вообичаени вируси, на кои не стекнале имунитет кога требало
Во изминатите неколку месеци, повеќе од 1.000 деца, многу од нив помлади од пет години, во 35 земји имаа воспаление на црниот дроб од непознато потекло, а на некои од нив им беше потребна трансплантација, пренесува Би-Би-Си.
Два тима истражувачи од Лондон и Глазгов дојдоа до заклучок дека поради ограничувањата воведени за време на пандемијата на Ковид, децата многу подоцна од вообичаено дошле во контакт со два вообичаени вируси, на кои не стекнале имунитет кога требало.
Станува збор за аденовирус, кој вообичаено предизвикува блага настинка и евентуално благи стомачни проблеми, и адено-асоциран вирус два, кој вообичаено не предизвикува болест и има потреба од „вирус помошник“ за да се размножува.
Во нормални околности, децата многу брзо се опоравуваат од овие вируси, а сега тие во некои случаи предизвикаа сериозно воспаление на црниот дроб.
Научниците ја отфрлија можноста болеста да е предизвикана од коронавирусот или вакцината против Ковид-19, а заклучија дека за таков развој на болеста улога игра генетското наследство.
„Поради долгото заклучување за време на пандемијата, децата не се мешаа и не ги пренесуваа овие вируси едни на други, така што не стекнаа имунитет на овие вообичаени инфекции во времето кога требаше“, рече вирусологот, професорката Џудит Бојер. Кога се укинаа ограничувањата, додаде таа, децата повторно почнаа да се мешаат и наеднаш беа изложени на вируси и низа инфекции на кои не стекнале имунитет, како што е вообичаено.
Професорката Ема Томпсон, која го водеше истражувањето во Глазгов, вели дека ова се важни наоди, но предупредува дека има уште многу неодговорени прашања. „Потребни ни се дополнителни студии за подобро да разбереме каква улога точно има адено-асоцираниот вирус два во овие заболувања на црниот дроб кај децата“, рече Томпсон.
