Потребно:
- 1 мала главица зелка (околу 700 г)
- 3 моркови
- 3 стебла целер (или 1 мало парче корен од целер)
- 2 л вода
- Прстофат сол
Подготовка: Измијте ја зелката, морковите и целерот. Исечете ја зелката на поголеми парчиња или ленти, морковите на кругови, а целерот на тенки парчиња. Ставете ја зелката, морковите и целерот во голем сад. Прелијте со 2 литри вода, додадете прстофат сол по желба или оставете целосно без зачини ако сакате најлесна „детокс“ верзија. Ставете го садот на оган, оставете водата да зоврие, а потоа намалете ја температурата. Гответе 30-40 минути, додека зеленчукот целосно не омекне, но да не се распадне. Сервирајте ја супата веднаш, додека е топла. Можете да ја јадете како чиста супа со парчиња зеленчук или да исечкате сè со блендер во лесна крем супа – без никакви додатоци останува еднакво лесна. Добар апетит!
