Потребно:
- 1 тиквичка
- 1 јаболко
- 3 листови кељ
- Ѓумбир
Подготовка: излупете ја тиквичката и исечкајте ја на коцки. Ставете да се вари заедно со ѓумбирот (се зема парче во големина на нокт). По три минути од вриењето, се додава кељот исечкан на ленти на кого претходно сте му го остраниле средишниот коренест дел. Оставете се заедно да врие уште пет минути, бидејќи на кељот му е потребно малку време да омекне и да биде готов. Јаболката излупете ја и исечкајте ја на кришки. Кога тиквичката и кељот ќе се сварат, исцедете ги, фрлете го парчето ѓумбир. Тиквичката, кељот и јаболката заедно изблендирајте ги додека не добиете каша. Оладете и послужете му на детето здрав оброк.
