РЕЦЕПТ НА ДЕНОТ: Кељ со компир

Кељот во исхраната на бебето може да се воведе помеѓу 6-8 месец, но како и за секоја останата намирница, и за оваа претходно консултирајте се педијатарот на вашето дете. Кељот во 2014 година е прогласен за најздрава намирница и се смета за суперхрана бидејќи е високо нутриивен зеленчук, богат со влакна, протеини, а малку калории и масти. Содржи висок процент на витамините А, Ц и К, фолна киселина, калциум, железо, магнезиум, фосфор, како и ниацин, тимаин и Б6 и Б12.

Потребно:

  • Половина шолја исечкан кељ
  • Еден компир
  • Половина главица кромид
  • Чешне лук
  • Мала лажичка маслиново масло

Подготовка: На умерена температура загрејте го маслиното масло и издинствувајте ги кромидот и лукот околу пет минути, додадете го компирот исечкан на коцки, налејте ладна вода и варете во поклопен сад околу 10 минути. Додадете го потоа кељот и варете во отворен сад уште 10 минути (внимавајте кељот да не се превари). За помали бебиња може сите состојки да се изблендираат и да се сервираат, додека за поголеми дечиња може да се послужи заедно со печено или варено пилешко месо.

ПОВРЗАНИ НАПИСИПОВЕЌЕ ОД АВТОРОТ