Потребно:
- 1кг компир
- 1 кромид
- 1 морков
- 3 чешниња лук
- 3 варени јајца
- 3 лажици масло
- Зачини по желба
За преливот:
- 2 јајца
- 1 шолја јогурт
- 1 шолја млеко (200мл)
За наросување:
- 1 лажица палента
- Малку сусам
- Малку кашкавал или биено сирење
Подготовка: Сварете го компирот и изрендајте го покрупно. Ставете го во огноотпорен сад, па врз него изрендајте го кромидот и морковот, ставете го исчеканиот лук и изренданите сварени јајца. Зачинете по желба, додадете го маслото и се заедно убаво измешајте. Преливот подгответе така што ќе ги соедините сите наведени состојки. Прелијте врз компирите со смесата. Наросете со палентата и сусамот. Печете во загреана рерна на 200 степни, околу 30 минути. На крајот додадете го изренданиот кашкавал или биено сирење.
