Потребно:
За тестото:
- 200–220 гр пченично брашно
- Половина лажичка прашок за печиво
- Половина лажичка сол
- 2 јајца (собна температура)
- 200 гр крем сирење (собна температура)
- 200 гр омекнат путер
За филот:
- 1 кг сливи (или друго сезонско овошје)
- 2 лажици пченкарен скроб
- 5-6 лажици шеќер (може да биде и кафеав)
И уште:
- 1 јајце (или жолчка од јајце + 2 лажици млеко) – за премачкување
- Листови од бадем – за посипување
- Шеќер во прав за декорација
Подготовка: Измешајте брашно, прашок за печиво и сол. Додадете ги јајцата, сирењето и путерот и месете во мазно тесто. Завиткајте го во фолија и ставете го во фрижидер најмалку 30 минути за да се стабилизира. Измијте ги и исчистете ги сливите, а потоа исечете ги на парчиња. Измешајте ги со шеќерот и пченкарниот скроб. Развлечете го изладеното тесто на набрашнета површина во круг со дебелина од околу 5 мм. Префрлете го во плех обложен со хартија за печење. Наредете ги сливите во средината, оставајќи празен раб од 4-5 см. Преклопете ги рабовите на тестото врз овошјето. Премачкајте ги рабовите со изматено јајце или жолчка измешана со млеко. Посипете со листови бадеми. Печете во претходно загреана рерна на 200°C околу 25-30 минути, додека тестото не добие златно-кафеава боја и овошјето не почне да ги пушта своите сокови. Кога малку ќе се олади, посипете со шеќер во прав. Добар апетит!
