Потребно:
- 3 јајца
- 300 гр брашно
- 500 мл млеко или вода
- 2 лажици масло
- 2 лажици шеќер
- На врв од лажичка сол
Подготовка: Во брашното додадете ги јајцата и убаво измешајте. Додадете млеко или вода, сол и две лажици шеќер и убаво измешајте за смесата да биде еднолична и без грутчиња. Тестото не треба да биде премногу густо, по потреба додадете малку минерална вода. Загрејте неколку капки масло и истурете од тестото во тавата. Нежно завртете ја тавата за да се распореди смесата рамномерно до рабовите. Внимавајте да не истурите премногу смеса за да ви бидат што потенки палачинките. Кога палачинката ќе почне да се одвојува од тавата, свртете ја на другата страна. Печете вака уште половина минута, па извадете ја во чинија. Филувајте по желба. Добар апетит!
