Потребно:
- 900гр брашно тип 500
- 1 ќесичка сув квасец (7гр)
- 2 јајца
- 400мл топло млеко
- 180мл масло
- 1 лажица шеќер
- 1 мала лажичка сол
СОВЕТ: Доколку ги подготвувате кифлите во слатка варијанта, наместо една, додадете две лажици шеќер.
Подготовка: Во сад ставете го топлото млеко, па потоа маслото за јадење, две белки, една лажица шеќер и една ќесичка сув квасец. Убаво измешајте. Постепено додадете еден дел од брашното и лажичка сол, па месете со додавање на остатокот од брашното. На набрашнета површина, измесете го тестото со додавање на брашно по потреба. Намастеното тесто ставете го во исто така намастен сад, покријте со пластична ќеса или фолија, и оставете го на топло да нарасне. Најдобро е да го оставите тестото да отстои околу час и половина до два часа. Потоа префрлете го тестото на набрашнета површина и исчете го на помали делови. Со сукало развијте четвртаста форма, засечете на краевите, филувајте по желба и свиткајте ја кифлата. Покријте ги со кујнска крпа, додека рерната се загрее на 180-190 степени. Пред печење, премачкајте ги со жолчка. Печете ги додека не поруменат, или околу 15 минути.
