Потребно:
- Две лажици маслиново масло
- Еден мал кромид, ситно исечкан
- Половина стапче праз, исчекан
- Два мали моркова, излупени и исечкани
- Една тиквичка, средна големина, излупена и исечкана
- ¾ шолја печурки шампињони – свежи
- Три домати, излупени и исечкани (без семе)
- 400гр исечкан домат во сос (конзерва)
- 1/2 шолја бујон од зеленчук
- Една лажица несолен путер
- Една лажица ситно исечкан свеж босилек
- 170гр тестенини
- Три до четири лажици маскарпоне (по желба)
Подготовка: Загрејте го маслото во тенџере, додадете го кромидот и празот и пржете околу три минути. Додадете го морковот и пржете уште 4-5 минути. Додадете ја тиквичката, па по две минути и печурките. Се заедно пржете околу 3-4 минути. Потоа додадете го свежиот домат и путерот, а по три минути и доматот од конзерва. Додадете го бујонот, па босилекот. Поклопете го садот и оставете да се готви на тивок оган 10 до 15 минути, а потоа се испасирајте во пире. За тоа време подгответе ги тестенините, според упатството од пакувањето. Не додавајте сол. Измешајте ги тестенините со сосот, и додадете го и маскарпонето, доколку сте одлучиле да го додадете.
СОВЕТ: Маскарпоне сирењето е многу кремасто, па ако го додадете во јадењето, имајте предвид дека и тоа ќе стане повеќе кремасто.
