“Ако детето има влажна кашлица кога ќе излезе надвор, додека оди, а не кашлало дома, тогаш тоа е добар знак кој укажува дека детето има можност да ја искашла слузта што е насобрана во белите дробови“, објаснува рускиот педијатар Јевгениј Комаровски. Тој вели дека при вдишувањето на студен воздух доаѓа до навлажнување на слузта која е наталожена во белите дробови, по што децата почнуваат да кашлаат.
Во такви случаи, докторот советува детето веднаш да не се враќа дома, бидејќи враќањето во соба може само да ја влоѓи состојбата и да го стопира исфрлањето на секретот.
“Слузта е навлажнета, а со самото тое е и со поголема зафатнина. Ако престанете да одите, пешачите, на детето ќе му биде потешко да диши“, предупредува докторот.
Кашлицата е одбранбен рефлексен механизам кој помага да ги одржуваме органите за дишење чисти и проодни, да се ослободиме од секретот што се слева, трошка храна или некое друго туѓо тело, а воедно и е еден од сигурните симптоми на вирусни, бактериски, алергиски и други заболувања и состојби.
Иако кашлицата кај децата најчесто поминува сама од себе, без антибиотици и лекови, не треба да се занемари. Отстранување на секретот од носот, навлажнување на слузокожата со физиолошки раствор, навлажнување на воздухот, топли супи и чаеви го забрзуваат оздравувањето, советува д-р Комаровски.
