Агенцијата за храна и лекови на САД (ФДА) одобри итна употреба на вакцината на Фајзер и Бионтек против коронавирус за деца на возраст од 12 години, проширувајќи ја програмата за вакцинација во САД, каде што има значителен пад на стапките на вакцинација.
ФДА објави дека одлуката за намалување на старосната граница вклучува милиони деца на возраст од 12 до 15 години во програмата за вакцинација.
Вакцините против коронавирус, најверојатно, помладите тинејџери ќе можат да ги примат веќе во четврток, соопштија во понеделникот официјални претставници на ФДА, пишува „Си-Ен-Ен“.
Вакцината на Фајзер и Бионтек е првата вакцина против Ковид-19 одобрена во САД за итна употреба за оваа возрасна група, што се смета за важен чекор кон безбедно враќање на децата на училиште. Американскиот претседател eо Бајден побара од сојузните држави веднаш да обезбедат вакцини за младите адолесценти.
Повеќето деца кои ќе се инфицираат со коронавирус развиваат благи симптоми или воопшто ги немаат. Сепак, децата не се целосно надвор од ризик да се разболат сериозно од инфекцијата и можат да ја шират инфекцијата
„Денешната одлука овозможува заштита на помладата популација од инфекција со коронавирус, што нè приближува до враќање во нормала и крај на пандемијата“, рече вршителот на должноста претседател на ФДА, Џенет Вудкок.
„Родителите и старателите на децата можат да бидат сигурни дека Агенцијата спроведе строга и детална проверка на сите достапни податоци, како што тоа го сторивме во случаи на други одобренија за итна употреба на вакцината против Ковид-19“, рече таа.
Повеќето деца кои ќе се инфицираат со коронавирус развиваат благи симптоми или воопшто ги немаат. Сепак, децата не се целосно надвор од ризик да се разболат сериозно од инфекцијата и можат да ја шират инфекцијата, пренесува „Хина“.
