Повеќето родители немаат самостојни деца. Реткост е дете од почетокот да биде соработливо и желно за независност. Затоа, мора да се поттикнува на секој чекор.
Сигурно меѓу вас има такви кои не успеваат да се истушираат или да отидат во тоалет на мир. Сте изгубиле часови и денови во пронаоѓање на решение, но детето се уште не е осамостоено. Сте се обиделе да објасните на сите начини, но не оди.
Креативност
Искористете ја својата имагинација и поставете сцена која детето со голема желба ќе игра улога на самостоен член на семејството.
Еве неколку начини за тоа:
- Спуштете ја облеката на детето, како и чевлите или патиките во пониски фиоки или рафтови. Така ќе може да дофати и да се подготви само кога излегувате надвор.
- Ужината која сакате да му ја дадете на детето, направете ја достапна. Распоредете ја во мали чинии во различни бои и лено направете договор која може да се земе.
- Подгответе во кујната мал бокал со вода и чаши во висина на детето, да може дамо да се послужи со вода или со сок.
- На плакарите ставете закачалки на кои детето ќе може само да ја закачи својата облека, пешкир и слично.
- Поставете безбедни и стабилни столици на кои детето ќе може самостојно да се качи и нешто да дофати. Тоа с енајчесто кујната, тоалетот, спалната соба.
- Бидете сигурни, дека веднаш по овие ситни интервенции, детето ќе почне да ги прави овие секојдневни работи без помош. Тоа не само што ќе му помоген на детето да се чувствува добро и гордо, туку ќе го научи дека родителот не треба се да прави за него.
