Откако сите бевме исклучително претпазливи минатата година околу заштита на здравјето, прашањето дали е паметно децата да се враќаат во училишните клупи, има смисла. Многу родители ширум светот размислуваат и за тоа децата да ги отпишат од училиште. Иако моменталниот сове од сите стручњаци е да се носат маски поради многу позаразниот делта сој, иако лицето е вакцинирано, се работи за индивидуална одлука на родителите или опкружувањето каде живеете.
ДЕЛТА СОЈ
Додека не се појави, се веруваше дека децата во голема мера не се подложни на инфекција со коронавирусот, но денес се забележува и пораст на бројот на млади пациенти. Така, Академијата за педијатрија на САД, даде извештај во кој стои дека бројот на заразени деца за само 2 недели во јули се зголемил од 39.000 на 72.000. Иако е тешко да се процени, се чини дека овој сој на коронавирусот многу повеќе ги погаѓа децата.
“Тоа покажува дека децата не се имуни на оваа варијанта, сепак, децата немаат супер моќ“, појаснува д-р Кетлин Џетлин, епидемиолог и додава дека истите тие деца вирусот можат да го внесат во домот и да го заразат целото семејство. Се чини дека заразените лица можат 1000 пати повеќе да носат вирус во себе и исто така да го пренесат на други ученици, но и од училиште да го донесат дома.
КОВИД-19, ДЕЦА И УЧИЛИШТЕ
“Ако ги погледнете податоците, лесно е да се заклучи дека ако се носат маски и се држи дистанца, можно е децата да останат заштитени и во училиште. Притоа, ако сите возрасни во училиштето се вакцинирани, може да дојде до исклучително мал број на ширење на зарази“, појаснува д-р Ивон Малдонадо, шеф на одделот за инфективни болести на ААП.
Голем број на студии потврдија дека комбинирањето на одредени мерки, како носење маски и дистанца, добар проток на воздух и хигиена, може во огромен процент да го намали бројот на инфекции и во училиштата.
Како што беше јасно и се виде што делува и функционира, така може да се заклучи и кои мерки нема да помогнат. На пример, одвојување со стакло, дезинфекција на сите површини и огромно растојание помеѓу столиците за седење се само некои од примерите. Без ефикасна вентилација, сите може да вдишат вирус во просторијата. Маски, филтрирање и вантилација се најдобрата помош.
ВАКЦИНИРАЊЕ
Еден од клучните начини за заштита на детето е секако вакцинирањето, а во земјава веќе е дозволена вакцинација на деца над 12 години со Фајзер вакцината.
СОВЕТИ ЗА ВВРАЌАЊЕ ВО УЧИЛИШТЕ
Иако информациите за вирусот и делта сојот се менуваат од ден на ден, почетокот на учебната година тропа на врата. Еве неколку совети како можете да го заштитите здравјето на вашето дете:
- Без разлика дали се задолжителни или не, инсистирајте детето да носи маска
- Вакцинирајте го детето ако има над 12 години
- За за сите прашања разговарајте со училишниот персонал
- Советувајте ги децата да избегнуваат ризично однесување
- Запомнете дека информациите за вирусот постојано се менуваат, затоа следете ги новите информации и насоки
