Додека многу граѓани со нетрпение ја очекуваат првата доза на вакцината Ковид-19, на Запад веќе се водат расправи за вакцинирање со третата доза на вакцината наесен. Причината за ова се новите соеви на коронавирус, како што се јужноафриканскиот и бразилски сој, против кои постојните вакцини се значително помалку ефикасни.
Фајзер неодамна објави студија според која нивната вакцина е 91% ефикасна против коронавирус и 95% против тешки форми на Ковид-19 до шест месеци по втората доза. Модерна исто така објави дека нејзината вакцина штити во сличен процент шест месеци. Вакцината АстраЗенека штити во малку помал процент
Алберт Бурла, извршен директор на американската фармацевтска компанија Фајзер, пред неколку дена предупреди дека на луѓето најверојатно ќе им треба трета доза од вакцината шест до 12 месеци по вакцинирањето, како и ревакцинација секоја година поради појава на нови варијанти на коронавирус.
„Треба да видиме каков ќе биде планот за вакцинација и колку често ќе ни биде потребен. Исклучително е важно да се намали бројот на луѓе кои можат да се заразат“, изјави Бурла за CNBC.
Фајзер неодамна објави студија според која нивната вакцина е 91% ефикасна против коронавирус и 95% против тешки форми на Ковид-19 до шест месеци по втората доза. Модерна исто така објави дека нејзината вакцина штити во сличен процент шест месеци. Вакцината АстраЗенека штити во малку помал процент, но истражувањето кај постарите лица покажуваат посилен одговор на заштитните Т-клетки во споредба со вакцините на Фајзер и Модерна, пишува „Јутарњи лист“.
Велика Британија веќе извесно време прави сериозни планови за набавка на нови дози на вакцини ефикасни против новите видови, така што наесен би можела да се спроведе довакцинација со третата доза, што неодамна го потврди и британскиот министер за здравство Мет Ханкок. И Дејвид Кеслер, водачот на тимот на американскиот претседател Џо Бајден за борба против Ковид-19, предупреди дека Американците треба да сметаат на довакцинација за да се одбранат од новите варијанти на коронавирусот.
