Бројните се причините зошто сливите, особено во овој период од годината, треба да бидат на детското мени. Свежи, сварени како компот или комбинирани како дел од друг оброк, сливите на децата им обезбедуваат бројни витамини, минерали и антиоксиданти. Кај бебињата се одлични како кашичка, додека кај постарите деца како хранлива ужина.
Витамин Ц – Во значајни количини содржат и витамин Б, Е и К, но во најголем процент имаат витамин Ц. Често се споменува и изобилство на витамин А, оти сливите се богати со бета-каротен кој во организмот, по потреба се претвора во витамин А.
Природен извор на минерали – Ако сте во потрага по природен извор на различни минерали – одговорот е слива. Изобилува со калиум и фосфор, а содржи и железо, магнезиум, калциум, бакар…
Ризница на антиоксиданти – Сливите се вистинска ризница на антиоксиданти кои ги штитат клетките од оштетувања, а со тоа и од канцерогени промени, и со самото тоа делуваат антивоспалително. Некои истражувања покажале дека само една слива содржи еднаква количина на антиоксиданти како полна шака боровница. Содржи антоцијанин, кверцетин и катехин.
