Денес со голема радост и гордост го одбележуваме шестиот роденден на педијатрискиот портал Pedijatar.mk, првата специјализирана онлајн платформа посветена на здравјето, развојот и благосостојбата на децата во нашата земја. Шест години посветена работа, повеќе од 10 000 објавени текстови и илјадници информирани родители се доказ за нашата мисија – да бидеме сигурен извор на информации и поддршка за секое семејство.
Во изминативе шест години, Pedijatar.mk се разви во платформа која нуди сеопфатни и релевантни информации, поделени во повеќе рубрики. Носечки столб на порталот е рубриката „Стручен агол“, каде што еминентни стручњаци дискутираат на различни теми – превенција, дијагноза и лекување на најчестите педијатриски состојби. На овој начин јавноста добива стручни совети од прва рака за правилен раст и развој на малечките, но и на оние поголемите, тинејџерите, па сè до полнолетство.
Во ерата на дигитализација, кога интернетот изобилува со недокажани и често погрешни информации, Pedijatar.mk игра клучна улога како платформа што нуди само проверени, релевантни и научно базирани содржини. Нашата посветеност е да се потпираме на релевантни извори и меѓународно признати институции како Американската академија за педијатрија (ААП), Светската здравствена организација (СЗО), како и на искуствата на врвни домашни и странски стручњаци
На нашиот портал може да најдете стручни интервјуа со водечките педијатри и специјалисти, кои несебично ги споделуваат своите најнови сознанија и препораки во својата област. Посветуваме големо внимание и на здравата исхрана преку препораки за правилна исхрана, од доење до воведување на цврста храна, како и нутритивни совети за поголеми деца. Секојдневно објавуваме здрави и практични рецепти, со што им помагаме на родителите во одлуката „Што здраво ќе готвиме денес?“ Рубриката родителство е осмислена како поддршка на родителите преку совети и препораки за справување со предизвиците, но и радостите на воспитувањето. На Pedijatar.mk може да најдете и публикации кои се бесплатни за симнување, како и да проверите дали вашето дете е имунизирано согласно редовниот Календар за имунизација или пак, треба да го проверите Catch-up календарот за имунизација. Особено внимание посветуваме на следење на настаните во областа на педијатријата како гранка на медицината како што се стручни состаноци, симпозиуми, конгреси и други случувања на кои може да се слушнат најновите препораки и протоколи, и од каде редовно ви носиме ексклузивни интервјуа со еминентни стручњаци во својата област.
Во ерата на дигитализација, кога интернетот изобилува со недокажани и често погрешни информации, Pedijatar.mk игра клучна улога како платформа што нуди само проверени, релевантни и научно базирани содржини. Нашата посветеност е да се потпираме на релевантни извори и меѓународно признати институции како Американската академија за педијатрија (ААП), Светската здравствена организација (СЗО), како и на искуствата на врвни домашни и странски стручњаци. На овој начин ги заштитуваме родителите од дезинформации кои можат да бидат штетни за здравјето на децата и го промовираме значењето на научно базираните препораки, кои ја градат довербата меѓу читателите и порталот.
Секој стручен текст, совет или интервју на нашиот портал минува низ внимателна проверка од страна на стручен колегиум, со цел да се обезбеди највисоко ниво на веродостојност и доверба.
Pedijatar.mk се стреми да биде повеќе од портал, партнер на родителите во нивната секојдневна грижа за здравјето и среќата на нивните деца. Во тој контекст, а во духот на модерните комуникациски трендови, ја проширивме нашата платформа со подкастот „Ваш педијатар“, каде преку разговори со стручњаци обработуваме актуелни теми за здравјето на децата и нудиме практични совети.
Во изминативе шест години, Pedijatar.mk се разви во платформа која нуди сеопфатни и релевантни информации, поделени во повеќе рубрики. Носечки столб на порталот е рубриката „Стручен агол“, каде што еминентни стручњаци дискутираат на различни теми – превенција, дијагноза и лекување на најчестите педијатриски состојби. На овој начин јавноста добива стручни совети од прва рака за правилен раст и развој на малечките, но и на оние поголемите, тинејџерите, па сè до полнолетство
Шест години успешна работа се обврска да продолжиме со нашата посветеност и понатаму да бидеме платформа која ги обединува знаењето, стручноста и љубовта кон децата. Со нови проекти, проширување на содржините и воведување на интерактивни алатки, Pedijatar.mk ќе продолжи да биде прв избор за сите родители кои бараат сигурен извор на информации за здравјето на своето дете.
Секој стручен текст, совет или интервју на нашиот портал минува низ внимателна проверка од страна на стручен колегиум, со цел да се обезбеди највисоко ниво на веродостојност и доверба
Нашата визија? Да ја зајакнеме заедницата, да ги поддржиме родителите и да помогнеме децата да растат здрави, среќни и безгрижни. Продолжете да нè следите, споделувајте ваши прашања и идеи, и заедно ќе продолжиме да создаваме свет исполнет со здравје и среќа за нашите деца.
Во оваа прилика, би сакала да упатам искрена благодарност на сите вас – родители, доктори и поддржувачи што сте дел од големата заедница на Pedijatar.mk. Вие сте нашиот поттик и наша инспирација. Заедно создаваме посигурна и подобра иднина за нашите најмили!
Среќен шести роденден, Pedijatar.mk!
Катерина Шекеровска-Димовска,
новинар и уредник на Педијатар.мк и Ваш педијатар подкаст
katerina@pedijatar.mk
