Секој родител има свој начин како ги воспитува децата, но на повеќето една работа им е заедничка. Имено, речиси сите жалат поради некои свои постапкикои ги направиле и би сакале да можат да ги исправат. Но, парадоксално, најчесто само продолжуваат да ги повторуваат.
Не (доволно) уживале во комуникацијата со своето дете
Децата брзо растат, а во текот на растењето неопходна им е комуникација со возрасните, пред се родителите. Јасно е дека повеќето родители немаат премногу слободно време и во ред е ако понекогаш додека детето си игра, да извршуваат други задачи, но проблемот е ако тоа стане секојдневна појава. Ако тоа се претвори во навика, во еден момент би можеле да сфатите дека вашето дете пораснало и сега навистина веќе не е толку зависно одвас, а тогаш за некои работи би можело да биде прекасно. Уживајте во времето поминато заедно.
Недоволно сте ги гушкале децата
Научниците ја докажале важноста на гушкањето за човечкото здравје, но вистина е дека и кога сето тоа ќе го занемарите, едноставно уживајте во чувството на гушкање со сопственото дете. Прегратки никогаш доста, а вашето дете наскоро ќе порасне и нема да ви дозволува да го гушкате кога ќе посакате. Затоа, искористете ги овие моменти, додека се уште можете.
Не сте ги фотографирале и снимале доволно заедничките моменти
Секако, ништо драматично нема да се случи ако немате стотици гигабајти на ваков материјал. Тоа апсолутно нема на влијае на среќното растење на вашето дете. Но, постои голема шанса во иднина да сакате да си припомните на секој момент минат со децата, но и кога тие ќе посраснат да ги потсетите на детството.
Не сте ги запишале нивните први зборови
Звучи неверојатно, но би можеле да ги заборавите. Особено ако имате повеќе од едно дете. Има толку многу први работи кои вашето дете ќе ги направи и за кои сте уверени дека ќе ги запомните, но тие многу лесно се губат во нашата меморија.
Сте биле престроги
Постои популарен мит дека колку сте построги кон своите деца, толку тие ќе бидат поуспешни. Во реалноста може да добиете комплетно спротивен ефект, а еден од нив сосема сигурно е и потенцијално лош однос со децата во иднина. Тајната е во умереноста.
Не сте го земале предвид мислењето на детето
Колку и да се децата мали, факт е дека не им годат фрази како “ти се премногу мало да одлучуваш“, “се ти знаеш“, “возрасните знаат подобро“… Освен што тоа ќе ги повреди децата, може да ги направи и несигурни личности. Затоа, немојте секогаш да донесувате одлуки наместо вашето дете. Дозволете им да одлучат што ќе облечат за во градинка или во кој парк ќе одат.
