Новата варијанта на вирусот – омикрон, претставува закана, па и понатаму е важно да се преземат сите можни мерки за да се заштитиме. Еве што велат стручњаците, што е најдобро да правиме за да се заштитиме себеси, но и другите.
ВАКЦИНИРАЈТЕ СЕ, СЕГА ТОА Е НАЈПОТРЕБНО
Докажано е дека вакцинацијата спречува инфекција, а кога ќе се случи повторна инфекција, вакцината спречува потешки форми на болеста. Д- р Суман Радхакришна, директор на Центарот за инфективни болести во Калифорнија, вели дека антителата што се создаваат како резултат на вакцинацијата се помош која служи да се избегне потешка форма на инфекцијата.
“Без вакцини, овој вирус ќе продолжи да се шири и да добие шанса да мутира, а новите варијанти ќе бидат активни во местата каде што има најмалку вакцинирани. Со следење на советите на струката и само малку здрав разум, можеме да направиме многу за себе и за целото општество за да ги промениме работите“, вели д-р Том Јадегар, пулмолог.
Вакцината е императив и бидејќи пред нас е сезона на вируси, а таа останува најефикасниот начин да се намали бројот на заразени, но и на хоспитализирани. Одредени групи би требало да примат и вакцина против воспаление на бели дробови и грип, за својот имунитет да го подготват за она што може да се случи, советува лекарот.
ДИСТАНЦИРАЈТЕ СЕ
“Социјалната дистанца може да биде тешка, но барем 2 метри треба да бидат доволни за да се заштитите. Кога сте заедно со семејството и пријателите, добро е да се дружите на отворено или во добро проветрена просторија“, појаснува д-р Јадегар.
НОСЕТЕ МАСКА И ЧЕСТО МИЈТЕ ГИ РАЦЕТЕ
Д-р Јадегар додава дека се работи за респираторно заболување, па затоа е потребно да се користат методи кои ќе помогнат да се намали ризикот од инфекција, а редовното миење на рацете и носењето маски е токму добрата алатка за оваа примена.
НЕ ПАТУВАЈТЕ
Иако е прималиво да мислите дека ќе отпатувате некаде за празниците, советот на стручњаците е да не го правите тоа,а а така ќе спречите инфекција, особено ако планирате да патувате на места кои не се толку безбедни. Доколку навистина мора да патувате, внимавајте на симптомите и доколку ги забележите, одложете го патувањето и обратете се кај вашиот лекар.
МИНУВАЈТЕ ВРЕМЕ НА ОТВОРЕНО
Д-р Радхакришна советува на внимание при собирања во затворени простори, па секако попаметно е што повеќе време да поминувате на воздух, особено ако не планирате да носите маска. Маска носете кога сте во контакт со лица кои не живеат со вас, дистанцирајте се кога тоа е можно.
АКО НЕ СЕ ЧУВСТВУВАТЕ ДОБРО, ОСТАНЕТЕ ДОМА
Доколку не се чувствувате добро и не сте сигурни дали се во прашање симптми на алергија или КОВИД-19, останете дома додека не го добиете резултатот од тестирањето. Откажете ги сите планови, за ваше, но и за доброто на сите околу вас.
