Колку е имунитетот важен често се почнува да се мисли дури откако како изговор за честите настинки, лошата општа состојба и недоволното енергија го окривуваме токму него. Имуниот систем е природен вид на одбрана од различни микроорганизми (вируси, бактерии, габи), но и атипични клетки и карцином. За да се зајакне организмот и да му се помогне да се избори со патогените кои напаѓаат од сите страни, мора да се води сметка за намирниците кои децата ги консумираат. Еден од основните имуностимулатори е хормонот на сон е мелатонинот. Затоа спиењето е важно за децата, за да се регенерира организмот и да се подготви за нови предизвици.
- Хидрираност – предуслов за здрав имунитет
Кога организмот на детето е одморен, мора ии соодветно да се хидрира, оти дехидрираната слузокожа станува лесна мета за многубројни вируси. Хидрираноста значи консумирање вода, но и чаеви кои допринесуваат во борба против слободните радикали и со антиоксидантниот потенцијал чува од настинки.
- Балансирана исхрана
За да се подигне имунитетот по природен пат, неопходно е исхраната да биде редовна и избалансирана. Многу шеќери, процесуирана храна, газирани пијалаци и храна богата со транс масти, неповолно влијаат на имуниот систем и го слабеат. Разновидната исхранабогата со витамини и минерали во значаен процент помагаат на одбранбените функции на организмот и ја зголемува нивната отпорност на различни вирусни и бактериски инфекции.
Јогурт – прва линија на одбрана
Многубројни истражувања го ставаат јогуртот во прва линија на природна борба против различни микроби. Оваа исклучително важна намирница е богата со добри бактерии, а со своето пробиотско дејство го чува здравјето на дигестивниот тракт и со самото тоа ја засилува целокупната отпорност на организмот. Јогурот го засилува создавањето на гама-интерферон и така ја подобрува активноста на имуниот систем.
- Печурки – царство на протеини и минерали
Печурките покрај исклучителната нутритивна вредност, играат важна улога во природното подигање на имунитетот. Богати се со селен, рибофлавин, нијацин и антиоксиданти кои претставуваат важни нутриенти во борба против патогените.
- Лук – природен антибиотик
Лукот може да се става во било која домашна храна што ја консумираат децата. Важи за природен антибиотик, а состојката алицин која се наоѓа во него е заслужна за неговото антивирусно, антигабично и антипаразитно дејство.
