Во една неодамнешна студија на Центарот за истражување на семејства при Универзитетот во Илиноис, научниците се занимавале со спиењето на бебињата и малите деца, со цел да ја откријат врската помеѓу воспоставувањето рутина за спиење и добриот и квалитетен сон кај децата.
Имено, општо е познато дека квалитетниот сон заедно со правилната исхрана е еден од најважните фактори за развој на детскиот мозок. За време на спиењето, нашите клетки се обновуваат, а кај бебињата и децата се создаваат нови невросинапси.
Ова истражување опфатило 468 мајки и бебиња кои биле следени од третиот месец од животот до навршување на две години. На секои неколку месеци, мајките пополнувале прашалник за квалитетот на спиењето на нивните деца, одговарајќи на следниве прашања:
- време на легнување и време на будење
- колку пати детето се разбудило во текот на ноќта
- колку време, во просек, му требало на детето да заспие
- како изгледа рутината на детето пред спиење
Најчестата активност што мајките ја пријавиле пред легнувањето во кревет било капење, облекување пижами, миење заби и читање приказни.
Но, секое семејство имало своја рутина пред спиење. Интересно е што во просек тримесечните бебиња заспивале околу 21:30 часот, додека децата на возраст ооколу две години, најчесто си легнувале околу 21 часот.
Но, ова истражување покажало дека девојчињата имаат многу поголеми проблеми со заспивањето од момчињата. Исто така, почесто се буделе ноќе.
Кога родителите ја следеле истата рутина секој ден и ја спроведувале со исти чекори, децата спиеле подобро и подолго. Експертите препорачуваат родителите да ја започнат својата рутина пред спиење еден час пред да сакаат нивното бебе да заспие.
Бебето може да усвои рутина веќе по 6. недела
Најчестите знаци на замор кај малите бебиња се триење на очите, допирање на ушите, раздразливост и плачење при најмала надразба, зевање, истегнување, гледање во празно, губење на интерес за луѓето и играчките околу нив и целосно смирување.
Доколку забележите некој од овие знаци, обидете се да го заспиете детето така што ќе го ставите во креветчето. Многу брзо целосно инстинктивно ќе научите да ја препознавате подготвеноста на детето за легнување.
Истражувањето покажало дека децата најдобро спијат до 12 месеци, со тоа што малите бебиња се најмногу склони кон ноќно будење. Се покажало дека проблемите со легнување кај двегодишните деца се удвојуваат, во споредба со периодот кога имале три месеци.
Од друга страна, како што растеле децата, тие се помалку се буделе. (Ноќното будење е забележано кај 43 проценти од тримесечните бебиња, додека 15 проценти се будиле на двегодишна возраст.)
Девојчињата почесто имале проблеми со успивањето и почесто се буделе навечер, покажало истражувањето.
Исто така, како што растеле децата, мајките требало да поминуваат повеќе време на активности пред спиење.
Ова не е прва студија која потврдува дека за добар сон на бебињата важна е рутината пред легнувањето во кревет. Освен тоа, ако доселдно се придржувате до рутината пред спиење, тоа ќе му даде на вашето бебе чувство на сигурност.
Друга важна работа на која треба да внимавате е растојанието помеѓу две спиења. Ако растојанието помеѓу две спиења е премногу долго, ќе се случи ефект на премореност и бебето потешко ќе заспие.
