Видеоигрите може да имаат негативен ефект врз умот на детето доколку се играат предолго и премногу често. Според неврологот д-р Дин Барнет, видеоигрите пружаат премногу стимулација.
„Фронталниот лобус на мозокот добро реагира на тоа. Затоа видеоигрите се интересни, но исто така значи дека децата може премногу да се вознемират кога работите не одат според планираното. Видеоигрите ги потиснуваат негативните емоции, а тие чувства можат да избувнат како лутина“, тврди тој, а пренесува „The Sun“.
Тој исто така истакнува и дека видеоигрите можат да го намалат памтењето. Бидејќи се интересни, децата ќе запомнат детали, но студиите покажале дека прекумерната употреба на екрани и уреди може да блокира други сеќавања.
„На пример, ако вашето дете инсистира да игра игри за време на патувањето, веројатно нема да се сеќава на некои настани, што го лишува од искуството на поврзување со семејството. Тоа е исто така штетно за учењето“, вели д-р Барнет.
Видеоигрите можат да го намалат памтењето. Бидејќи се интересни, децата ќе запомнат детали, но студиите покажале дека прекумерната употреба на екрани и уреди може да блокира други сеќавања. На пример, ако вашето дете инсистира да игра игри за време на патувањето, веројатно нема да се сеќава на некои настани, што го лишува од искуството на поврзување со семејството
Покрај горенаведеното, мозокот на детето во развој сè уште учи да прави разлика помеѓу реалното и нереалното. Видеоигрите го збунуваат тој процес.
„Ова значи дека детето нема да размислува за купување додатоци за игри. Нема да разбира дека тоа се вистински пари на неговите родители. Или, уште полошо, нема да размисли за комуникација со опасен странец кој изгледа пријателски настроен“, додава неврологот.
Ако детето се грижи само за видеоигрите, креирајте распоред на неделни активности кои вклучуваат време кое ќе го поминува со вас, пријателите и на отворено
Како да му помогнете на детето?
Психологот Ема Кени има совети за родителите кои се загрижени за навиките на играње видеоигри на нивното дете.
„Ако детето се вознемири кога ќе му кажете да престане да игра, веднаш направете строг распоред за тоа кога се дозволени игрите и вклучете паузи.
Ако забележите дека игрите му пречат во учењето, дозволете му да игра само кога ќе ја заврши домашната задача. Ако детето се грижи само за видеоигрите, креирајте распоред на неделни активности кои вклучуваат време кое ќе го поминува со вас, пријателите и на отворено“, предлага таа.
