Напуштањето на паркот, односно одењето дома по играње, знае да биде многу трауматично искуство за повеќето деца, но многу често и за родителите кои во тие ситуации не знаат како најдобро да постапат и да избегнат тантруми или солзи. Како што објаснува психологот Ерин Лејба за Psychology Today, родителите можат да направат неколку работи за значајно да му олеснат на детето да го напушти паркот.
Како прво, таа советува дека е важно да му се најави постапката на детето. На пример, кога е време за одење дома, родителите треба на мирен и сталожен начин да му дадат до знаење на детето дека наскоро треба да си оди од паркот и дека неговата игра ќе заврши. „Знам дека ти е убаво, уште малку и си одиме дома“, е реченица која ќе го подготви детето за одење, но сепак ќе му даде можност уште малку да ужива во играта.
Потоа, објаснува психологот, препорачливо е да се додаде некој ритуал при заминувањето за да транзицијата помине што е можно побезболно. Реченицата како „Кажи му довидување на паркот, чао-чао“ често е еден од одличните начини кои помагаат при заминувањето. Тоа ќе му стане навика и забава на детето, а водено ќе го смири без да доживее рантрум оти треба да го напушти паркот, а веројатно сè уште сака да остане.
И конечно, Лејба советува дека би било добро родителите да му дадат конкретна работа или задача на своето дете за патот накај дома. Ова може да вклучува избор на музика во автомобилот на пат кон дома, возење играчка во количка и слично. Помага сè што на некој начин ќе го насочи вниманието на детето кон нешто друго, советува психологот.
