Зголемената телесна температура и воопшто болест кај детето е вистинска мака за родителите, бидејќи меѓудругото и поради тоа што не знаат што детето смее и треба да јаде. Исто така, децата во такви ситуации стануваат дополнително пребирливи, а апетитот им е значајно намален.
НАЈВАЖЕН Е ВНЕСОТ НА ТЕЧНОСТИ
Лекарите велат дека не е страшно ако детето неколку дена поради болест јаде помалку од вообичаено, и дека мајките не треба да ги тераат децата да јадат на сила. Но, исклучително е важно, а особено кога има температура, да внесува повеќе течности за да не дехидрира. Кога е под температура организмот губи повеќе течности од вообичаено, бидејќи се поти, лицето забрзано дише и троши повеќе енргија и вода. Најдобро е детето кое има зголемена телесна температура да пие вода, но може да му се понуди и друг напиток кој го сака.
На децата постари од една година може да им понудите и топол чај од камилица или нане, со мед и лимон, или компот од сезонско овошје. Ако детето повраќа, треба да пие по неколку лажички вода на секои 10 минути.
ИСХРАНА НА ДЕТЕ СО ТЕМПЕРАТУРА
Што се однесува до храната, најважно е таа да е лесно сварлива, да не е тешка. Тоа значи не треба да биде високо енергетска храна која создава многу топлина, туку пред се јаглехидрати. Подгответе му на дтетео компот, ориз или тестенини. Избегнувајте масна храна, и јадењета подготвувајте ги со малку масло и масти.
На детето понудете му овошје и овошни сокови, и млеко. Особено се важни млечните производи, како што е јогуртот чија улога е одржување на здрава цревна флора.
Како главно јадење на детето подгответе му варен зеленчук, лесна супа или чорба и малку варено месо, најдобро пилешко или јунешко/телешко. Особено обрнете внимание меѓу намирниците секогаш да има од оние кои се богати со витамин Ц – брокула, пиперка, јаболка и слично. Важно е детето да не го оптовари стомакот. Давајте му мали порции на секои 2-3 часа, но составени од здрави намирници богати со витамини.
