Нема трева без крлежи, а тие едноставно ја “обожаваат“ нежната детска кожа. Вообичаено страдаат потколениците, но и локации како што е вратот, делот зад увото, па и косата, бидејќи има крлежи и на дрвата.
- Што треба да направат родителите?
Најдобро е да се спречи крлежот да стигне на детето, а тоа не е лесно. Избегнувајте висока трева, детето да носи само долги панталони – ова се совети кои се речиси неприменливи. Вистинска работа се репелентите – препарати кои се нанесуваат на кожата и ги одбиваат инсектите. Но, крлежите знаат вешто да стигнат и до кожа каде случајно не сте нанеле ваков препарат на детето.
- Но, ако сепак крлежот се закачи, што да направите?
НЕ ТРЕБА на лице место со игла и други помошни „алатки“ да се вади крлежот, а не треба да го вадите ниту со рака, бидејќи секое смачкување или откинување предизвикува продор на борелии во кожата на детето.
Најдобро е детето да се однесе во амбуланта каде брзо, со стерилни инструменти ќе се отстрани крлежот.
СЕКОЕ дете кое ќе го касне крлеж мора барем две недели да прима антибиотска терапија. Таа се спроведува поради спречување на многу опасна болест – борелиоза (Лајмска болест).
Секој трет крлеж носи предизвикувач на оваа болест на себе и го пренесува при каснување.
Најкритични периоди за болеста борелиоза се од мај до јули кога младите крлежи, кои тешко се забележуваат се најактивни.
