Малите бебиња, односно доенчињата, но и децата општо, колку и да се слатки, се вистински мали „магнети“ за бактерии. Тие сакаат да допираат сè, а потоа со прстите поминуваат преку лицето и усните и речиси сè што им е на дофат на рака. Се разбира, тие се уште се мали и не можат да ги совладаат основите на добрата хигиена, па родителите се речиси секогаш во состојба на готовност, постојано чистат, бришат и прават се што е во нивна моќ за да ги намалат шансите за внесување бактерии во нивниот систем.
Но, сите родители мора да знаат дека не е лесно да се „жонглира“ истовремено со децата, работата, обврските дома и слободното време и навистина е предизвик да се одржува хигиената на бебињата на високо ниво и тоа е во ред. затоа што децата треба да бидат деца. Тие не треба да се чуваат под „стаклено ѕвоно“ и колку и да е чисто и уредно вашето домаќинство, речиси секогаш ќе биде изложено на микроби и бактерии. „Децата не треба да растат во еден голем заштитен „меур““, вели д-р Шари Плат, шеф на педијатриската итна медицина во Медицинскиот центар Њујорк-Презвитеријан. „Вашето дете ќе биде изложено на бактерии кога е во надворешниот свет, а ако има здрав имун систем, ќе може да се бори против просечната изложеност на бактерии“.
Но, и покрај тоа, д-р Плат вели дека има неколку работи кои се важни да се одржуваат чисти и дезинфицирани за да се намали непотребната изложеност на бактерии. Еве кои се тие:
Играчки за капење и гумени играчки – „Играчките за капење се речиси 10 пати повалкани од садот за вода на домашно милениче“, покажало едно истражување. Затоа, после секое капење, се препорачува сите играчки кои биле во кадата со детето да ги потопите во сад со топла вода и малку сапун, а потоа да ги измиете со ладна вода, вели Дебра Џонсон, експерт за чистење на домови.
Играчки за заби – „Бидејќи постојано се во устата на вашето бебе, треба да преземете дополнителни чекори кога ги чистите“, вели Џонсон. „Прво, измијте ги со топла вода, чист сунѓер и благ течен детергент за миење садови. Потоа многу добро исплакнете ги со вода“.
Дрвени играчки – Џонсон препорачува бидејќи се порозни и впиваат вода, да не се натопуваат, туку да ги испрскате со претходно подготвен раствор од 50% оцет и 50% вода.
Плишани играчки – Џонсон препорачува ваквите играчки да се чистат на неделно ниво, особено ако тоа се играчки што вашето дете ги има во рацете, на подот, на креветот, во автомобилот или на кое било друго место секој ден. Ставете ги во навлака за перница и исперете ги во машина за перење според упатството.
Душек и постелнина – „Детската постелнина треба да се чисти и менува неделно, или порано ако се појави потреба“, вели Џонсон.
Рачки од колички – Студија покажала дека просечна рачка на количка содржи 1.418.818 CFU (единици за формирање колонии), рангирајќи ја на третото место меѓу четирите тестирани предмети.
Подрачје за менување на пелени – Изненадувачки, станиците за пресоблекување биле рангирани на четвртото, или последното, во студијата, што можеби е затоа што повеќето родители бришат пред да ги користат. Затоа, истата техника треба да ја користите и дома, а пред и после употреба треба да посегнете по антибактериски марамчиња.
Корпи за пелени – „Пелените се легло за размножување бактерии и кога корпата за пелени ќе почне да изгледа како врвот на Монт Еверест, време е длабински да се исчисти. Извадете ја надвор и испрскајте ја со црево, измијте ја со топла вода и сапуница, а потоа повторно со ладна вода и почекајте да се исуши“, заклучува Џонсон.
