Омикрон варијантата на коронавирус се шири со голема брзина во повеќе земји и за неа е потврдено дека е многу заразна. Сепак, мутираната варијанта која првично беше потврдена во Јужна Африка е поблага и нешто поразлична од претходните варијанти.
Симптомите како треска, кашлица и губење мирис сега се во „малцинството симптоми“, што значи дека се јавуваат поретко кога се работи за омикрон варијантата
Како точно се разликува омикрон од делта?
Во споредба со делта варијантата, омикрон предизвикува мало или никакво оштетување на белите дробови. Како и обичната настинка или грип, високо заразната варијанта го инфицира горниот респираторен тракт, предизвикувајќи благи симптоми како што се болки во грлото, кивање, болки во телото и главоболки.
Делта варијантата, од друга страна, може да доведе до акутни респираторни компликации кај некои луѓе и директно влијае на белите дробови, предизвикувајќи сериозни симптоми како што се отежнато дишење, болки во градите и ниски нивоа на кислород.
Омикрон варијантата наводно е четири пати попренослива од делта и затоа експертите веруваат дека може да стане доминантна варијанта.
Симптом што поретко се јавува кај инфекција со омикрон
Омикрон и делта се две варијанти на вирусот SARS-CoV-2 и затоа споделуваат некои од истите симптоми како што се блага треска, кашлица, болки во грлото, замор и болки во телото. Сепак, според една студија спроведена во Велика Британија, губењето на мирисот е поредок симптом кај омикрон варијантата на коронавирус.
Губењето на мирисот е поредок симптом кај омикрон варијантата на коронавирус
Во првичниот извештај, д-р Анџелик Кеце, јужноафриканската лекарка која прв ја откри варијантата омикрон, рече дека пациентите инфицирани со омикрон не покажале знаци на губење на мирис и/или вкус.
За време на бранот на инфекција со делта сојот, губењето на мирисот беше еден од најочигледните знаци на инфекција со Ковид-19, што помогна да се разликува SARS-CoV-2 од благ грип или настинка. Овој симптом знаеше да се задржи и со месеци по закрепнувањето.
Симптомите како треска, кашлица и губење мирис сега се во „малцинството симптоми“, што значи дека се јавуваат поретко кога зборуваме за омикрон варијантата, пишува „Тајмс оф Индија“.
