Што треба да направите ако вашето дете побара да излезе надвор, а е настинато? Некои родители во тие ситуации не дозволуваат детето да оди надвор, додека други имаат мислење дека ќе му годи свежиот воздух, а еве што за ова објаснува педијатарката д-р Евгенија Малигина.
„Прво, ако детето побара да оди некаде, тогаш веројатно не е многу болно, нема висока температура или други симптоми кои би го спречиле да прави секојдневни работи. Во тој случај, ако детето, на пример, има течење на носот, носот му е затнат, немаат температура, весело е и активно, тогаш добро е да излезе малку надвор за да земе свеж воздух. Но, имајте на ум дека ако надвор е студено, а детето е многу активно, се поти, може да му биде ладно на крајот од прошетката. Затоа е подобро подолгите прошетки да ги одложите додека детето целосно не се опорави и не оздраве“, порачува докторката.
Меѓутоа, друга работа е ако детето кашла. Д-р Малигина вели дека во овој случај најдобро е да избегнувате какви било активности на ладен воздух бидејќи тоа може да ја влоши кашлицата.
„Ако детето има треска, чувствува слабост или е во сред инфекција, тогаш секако никој нема да сака да оди на прошетка. Стресот, дури и во форма на прошетка низ соседството, може негативно да влијае на телото на детето и опоравувањето од инфекција. Во тој случај, доволно е „редовно да се проветрува просторијата и да се одржува оптимална влажност на воздухот, за да се создадат најудобни услови за детето додека не закрепне“.
Педијатарката порачува дека секогаш е најважно да се фокусираме на состојбата на детето, на тоа дали има желба да шета, дали е активно и дали има температура.
“Не заборавајте дека за време на инфекција препорачливо е да се избегнува физичка активност на студен воздух, затоа намалете го времето што го поминувате надвор. Доколку ги следите овие едноставни правила, прошетката ќе биде пријатна за детето”, заклучува таа.
