Една од најчестите заблуди за доењето е онаа која тврди дека мајката не треба да го дои своето бебе кога има температура. Експертите објаснуваат дека ако мајката развие температура предизвикана од вирус, не треба да прекине со доењето бидејќи нејзиното тело природно почнува да создава антитела кои се пренесуваат на бебето преку доењето, па доењето буквално го штити и детето.
Доколку се работи за посериозна инфекција или ако температурата не поминува ни после неколку дена, најдобро би било мајката да посети лекар кој ќе утврди дали е неопходно да се спроведе некоја терапија. Лекарот евентуално ќе мора да препише лекови, но главно тоа се препарати кои смеат да се земаат за време на доењето
Имено, ретко се случува мајката преку доењето да му пренесе покачена температура на своето дете. Многу е поверојатно дека бебето ќе добие температура престојувајќи покрај заразената мајка отколку преку нејзиното млеко.
Создавање антитела кои му помагаат на бебето
Кога мајката ќе почне да ги чувствува симптомите на болеста, нејзиното бебе веќе и онака некое време е изложено на предизвикувачите на болеста, поради што и самото може да се зарази. Доењето, тврдат лекарите, е најдобрата заштита благодарение на антителата.
„Мајчиното млеко содржи антитела кои помагаат во борбата против инфекцијата. Овие антитела најмногу ги има во колострумот, првото млеко што излегува од градите по раѓањето, но и цело време додека мајката продолжува да дои. Преку овие антитела мајката може да пренесе одредена заштита од заразни болести кои ги имала во минатото, како и од оние стекнати за време на доењето“, објаснува педијатарот Клер Мекарти за порталот „Healthy Children“.
Но, доколку се работи за посериозна инфекција или ако температурата не поминува ни после неколку дена, најдобро би било мајката да посети лекар кој ќе утврди дали е неопходно да се спроведе некоја терапија. Лекарот евентуално ќе мора да препише лекови, но главно тоа се препарати кои смеат да се земаат за време на доењето.
