Некои од најважните животни лекции не се учат во училиштата, туку дома. Во продолжение ви пренесуваме некои од најважните лекции за децата, кои им помагаат да пораснат во добри и среќни луѓе.
Љубов кон себе
Можеби не изгледа очигледно, но за да може детето да порасне во личност која ги сака и прифаќа другите, прво мора да научи да се сака и прифаќа себеси. Помогнете му на вашето дете да најде нешто што што многу го сака кај себе и понекогаш на ручек или вечера разговарајте за тоа што секој од вас сака кај себе.
Љубезност
Важно е детето да се однесува љубезно со другите, без разлика дали им се допаѓа тоа што го зборува другата страна или не.
Да биде фер
Ако детето види дека кон него и со другите членови на семејството се однесувате праведно, дека сите се еднакви, тоа ќе го присвои таквото однесување кон своите пријатели во паркот и на училиште и ќе го пренесе во возрасниот живот.
Прилагодување на околностите
Животот е непредвидлив, па затоа е многу важно детето да научи да се прилагодува на различни околности и да се носи кога работите не одат според планот.
Одговорност
Личниот пример е најдобриот начин да му покажете на детето дека е важно да биде одговорно. Секој член на семејството треба да има одредени обврски, а ако детето научи дека има обврски исто како и возрасните, тоа ќе остане со него дури и кога ќе порасне.
Искреност
Сите во семејството треба да бидат искрени еден со друг. Родителите не треба да дозволуваат „бели лаги“ на кои понекогаш и сами прибегнуваат.
Почит
Почитта во семејството треба да биде взаемна – родителите треба да се однесуваат со почит кон своите наследници, а децата со почит кон мама и тато. Таквото однесување потоа се пренесува на други, надвор од семејството.
Почитување на личните граници
Секој член на семејството треба да ги почитува личните граници на другите, без разлика на возраста или статусот. Ако некој не сака да биде бакнуван или прегрнат од другите, тоа треба да се почитува.
Време за смејството
Дури и кога ќе пораснат и повеќе не живеат со своите родители, децата треба да ги посетуваат родителите барем еднаш неделно за да уживаат во времето што го поминуваат заедно. Сепак, децата уште од мали нозе треба да се учат на ова, колку е важно семејството да остане заедно и дека тоа е најскапоценото нешто на светот.
