Според детските инфектолози, децата главно подобро ја поднесуваат инфекцијата со коронавирусот, согласно најновите истражувања, за кои сепак нагласуваат дека имаат свои недостатоци, и сека за поопсежни и поточни студии треба повеќе време.
“Неодамна дознавме податоци од најголемата студија досега со над 2.000 случаи на болеста КОВИД-19 кај лица помлади од 18 години. Се потврди она што го знаевме. Смртноста кај децата помлади од 10 години е нула, а е забележан само еден случак кај дете на 14 годишна возраст. Неодамна пристигна информација за смрт на 16 годипна девојка од Франција, така што не можеме да кажеме дека сигурно ниту едно од децата не може да има тешка форма на болеста и дека никој нема да и подлегне, но се работи за занемарлива бројка во однос на тежината на болеста во другите возрасни групи и смртноста меѓу возрасните и лицата од третата животна доба“, објаснува д-р Горан Тешовиќ, детски инфектолог.
СОВЕТИ ЗА РОДИТЕЛИТЕ
Родителите кои се прашуваат кога треба да се обратат кај лекар, инфектолозите нагласуваат дека се додека детето нормално внесува течности, мирно дише, има добра волја, не е нужно да се отиде дури ни кај матичниот педијатар, ниту пак во други установи. Но, треба внимателно да се надгледува ситуацијата.
Според д-р Тешовиќ, коронавирусот е како и останатите респираторни инфекции. Клиничката слика минува низ неколку фази, а промените не се нагли. Поголем број деца инфекцијата ја преболуваат со благи симптоми, а многумина и нема да имаат никакви симптоми.
Според стручњаците, резултатите од досегашните студии укажуваат дека болеста кај педијатриската популација е нешто потешка кај децата помлади од една година. Како мал недостаток на последната студија, а потоа и на резултатите е дека само една третина од болните без сомневање се заразени со коронавирусот, а меѓу најмладите често постои инфекција ппредизвикана со два или повеќе вируси.
“Кај најмладите на тежината на болеста може да влијае коинфекцијата која ќе даде главна тежина на таа инфекција“, вели д-р Тешовиќ.
