Како можете да го заштитите своето дете, но и да спречите да шири КОВИД-19?

Иако сите се придржуваме до правилата за седење дома, најтешко им е родителите кои мораат и децата да ги задржат во затворен простор со цел да ги заштитат и нив, но и да спречат ширење на зарзата.

Засега, добра вест во оваа ситуација е дека децата се најмалку загрозена група, но за жал не се имуни на овој вирус. Потврдени се случаи на зараза и кај млади луѓе, а минатата недела беше пријавен и случај на смртен исход кај младо лице.

Лира Лобо, предијатар вели дека “најновите студии потврдиле дека вирусот почесто почнал да се јавува кај малите деца, помлади од пет години“.

Децата со хронични состојби поврзани со бубрезите/срцето/белите дробови или децата со леукемија се во ризична група бидејќи им е засегнат имуниот систем, додава д-р Лобо.

Според извештајот на д-р Андре Круз, објавен во Форбс, видливо е дека околу 60% од 125 деца доживеале сериозни симптоми, а 40% од нив се помлади од 12 месеци.

“Генерално децата сепак се поштедени или пак имаат многу благи симптоми“, истакнува д-р Лобо.

КОИ СЕ ПРИЧИНИТЕ?

“Пред се, имуниот систем кај децата е поинаков, бидејќи се во фаза на развој. Рецепторите за вирусот може да се разликуваат. Втората причина е таа што децата имаат многу помалку контакти со вирусот, за разлика од возрасните – тие се во заштитена околина и не патуваат“, додава д-р Круз.

Третата можна причина е таа што имаат антитела кои ги штитат од вирусот.

Сепак, некои лекари предупредуваат дека фактот кој укажува на тоа дека се помалку ризична група, не значи дека нема да дојде до негативни последици ако дојдат во контакт со вирусот.

ТИВКИ ПРЕНОСИТЕЛИ НА ВИРУСОТ

Децата може да не покажуваат симптоми или само благи, но сешак претставуваат закана за остатокот од популацијата, особено за повозрасните и болни лица. Ако децата имаат одредени здравствени состојби кои не можат да се решат по телефон, по доаѓањето од лекар, цела облека исперете ја во машина за перење.

За време на изолацијата, ако детето е заразено, постои шанса да зарази постар член на семејството, оти сите заедно остануваат дома. Ако во семејството имате повозрасно лице, важно е да внимавате детето да не допира можни валкани површини или да се дружи со лица кои покажуваат симптоми на заразата, велат лекарите.

Д-р Круз предлага и неколку чекори кои мора да се следат поради спречување на ширење на вирусот и заштита на децата.

НЕМА ИГРАЊЕ СО ПРИЈАТЕЛИТЕ

НА сите им е јасно дека децата тешко ја поднесуваат изолацијата и неможноста да играат со пријателите, и дека ќе покаѓат одредено незадоволство.

“Не би смеело да им се дозволи да играат со деца од соседството или во домот на пријателот, оти за жал, ниту еден дом во моментов не е безбеден. Ако детето е во контакт со лице кое штотуку излегло од карантин, иако нему не мора ништо да му биде, може да го загрози вашето здравје и здравјето на целото семејство“, додава тој.

ОГРАНИЧЕТЕ ГИ ИЗЛЕГУВАЊАТА ОД ДОМА

“Наједноставен начин за ширење на заразата е преку загадени површини. Во овој момент потребно е да се ограничи движењето на детето. Разбирам дека е тешко детето да не се изнесе во парк или на прошетка, но ги напоменувам овие факти за пренос на заразата кои секогаш треба да ги имате предвид„, истакнува д-р Круз.

ВАЖНОСТ  НА ХИГИЕНАТА

Децата, особено бебињата, имаат слаб осет за хигиена, се шегува Нехал Шах, педијатар од болницата Аполо. Навиките како допирање на подот, па ставањето прсти во уста се навики кои морате да ги контролирате и да дозволите да се повторуваат. Мијте им ги рацете редовно, и нежно објаснете им дека устата, очите и носот не треба да се допираат.

ИНФОРМИРАЈТЕ ГИ ДЕЦАТА ЗА МОМЕНТАЛНАТА СИТУАЦИЈА

Со оглед дека училиштата и градинките се затворени, и нема наставник да ги информира, тоа е сега ваша задача. Појаснете им што се случува и зошто е важно да се следат упатствата и да се остане дома.