Децата е тешко да се испратат на спиење и кога условите се идеални, а летните горештини и високите температури и о вечерните часови се вистински предизвик, оти легнувањето во кревет е се, само не пријатна работа. Идеална температура на собата за спиење е 16 до 22 степени.
Еве што друго, освен разладување со клима уред, може да направите за да му помогнете на детето полесно да заспие на жешкото време.
Разладете ја перницата
Два часа пред да си легне, ставете ја навлаката од перницата на детето и омилената плишана играчка во вреќичка, и потоа во замрзнувач. Ладната перница ќе биде добродојдено освежување, како и плишаната играчка.
Блокирајте влез на светлина во текот на денот
Иако мислите дека можеби е подобро прозорот да биде отворен и да дозволите воздухот да циркулира, по жештините подобро ќе се заштитите ако ги затворите прозорите и спуштите ролетни. Така топлината потешко ќе продре во собата.
Користете вентилатор
Вентилаторот може да го оставите да дува додека детето не заспие и тогаш најдобро е да го изгасите. Поставете го покрај прозор да дува ладен воздух во собата.
Студен туш пред спиење
Секако водата не треба да биде премногу ладна, а туширањето нека трае кратко, толку колку да донесе потребно освежување пред легнување во кревет.
Пижамите понекогаш се подобар избор
Телото на детето најдобро се лади со потење. Иако ви се чини дека е најпаметно детето да спие голо или само во пелена, во пижама од квалитетен памук тоа најдобро ќе се разлади.
