Важно е да знаете дека дневно треба да внесувате 330 до 400 калории повеќе за да ја сочувате енергијата која ќе ви биде потребна, а тие дополнителни калории можете да ги добиете од намирници богати со хранливи состојки, како што се парче интегрален леб, путер од кикирики или јаболка и јогурт.
Храна која треба да се консумира за време на доење
Важно е да се фокусирате на донесувањето здрави одлуки кои ќе ви помогнат во производството на млеко.Затоа, консумирајте протеини преку месо, јајца,млечни производи, грав, леќа и морски плодови. Избирајте интегрални житарки, овошје и зеленчук.
Разновидната исхрана во текот на доењето ќе го промени и вкусот на вашето млеко. Поради тоа, вашете дете ќе биде изложено на различни вкусови кои ќе му помогнат при преминувањето на цврста исхрана подоцна, а за да бидете сигурнио дека внесувате доволно витамини и нутриенти во организмот, лекарот може да ви препише и продолжување на користење на пренатални витамини.
.Колку течност треба да се внесува во организмот?
Многу луѓе, не само новите мајки, понекогаш забораваат на дневниот внес на течност. Важно е да пиете често, по можност пред да почуствувате жед. Обидете се да испиете барем чаша вода секој пат пред да го надоите детето.
Но, ограничете го внесот на засладени пијалаци, како што се купечките сокови. Преголемата количина на шеќер може да доведе до деблеење или саботирање на плановите за губење на килограмите кои се наталожиле во текот на бременоста. Ограничете го внесот на слатки пијалаци најмногу до две чаши дневно..
Исто така кофеинот кој се наоѓа во купечките пијалаци, може да стигне до мајчиното млеко и во тој случај може да го вознемири бебето или неговиот сон.
