На возраст од 6 месеци, бебето во текот на ноќта спие околу 9-11 часа и околу 3-4 часа преку ден, дел претпладне, дел попладне. Претпладневната дремка може да почне во 9 часот наутро и да трае околу еден час.
Раната попладневна дремка најдобро е да започне помеѓу 12 и 14 часот и да трае околу еден до два часа. Попладневното спиење трае индивидуално, а најдобро е детето да го легнете за спиење во 16 часот, за да после тоа остане доволно време кое детето ќе го мине будно. Ако вашето дете попладне заспие подоцна и се разбуди во предвечерието, веројатно во 20 часот нема да биде подготвено повторно да заспие.
Ритамот на спиење преку ден е индивидуален за секое дете, но е важно да направите ритам, на кој ќе се придржувате секој ден.
На оваа возраст можете полека да почнете да го менувате својот став кон бебето, кое плачејќи се буди во ноќта. Се советува да не скокате на првото трепкање на бебето, туку да дозволите само да се обиде повторно да се успие. Ако тоа не се случи, тогаш треба да му пријдете и да не го подигате веднаш од креветчето, туку да пријдете, лесно да го масирате по грбот и да му се обратите со тивок глас и тогаш да заминете, под услов се да биде во ред со детето.
Помеѓу 6. и 12. месец полека ќе се појави и стравот од одвојување на детето од вас. Обидете се да бидете доследни и не отстапувајте од веќе постоечките правила околу заспивањето. Она што е значајно во овој период е да воспоставите ритам на редовно спиење кој ќе одговара на вашето бебе и да се придржувате на распоредот.
