За некои родители успивањето на новороденчето и не е некоја голема работа, но за многумина претставува исцрпувачка обврска која што следи растењето на детето. Има многу совети за тоа како побрзо и поедноставно да заспие бебето, но за овие четири, стручњаците сметаат дека се најефикасни.
Педијатрите секогаш советуваат да се следи ритамот на бебето и веднаш штом ги забележите првите знаци на поспаност, да го ставите бебето на спиење. Хормонот за спиење – мелатонин, е зголемен во бебешкиот организам, па природно е тоа да заспие без голема мака. Но, ако предолго го држите будно, тоа ќе се премори. Не само што ќе се намали нивото на мелатонин, туку неговиот мозок ќе ослободи хормони за разбудување, како што се кортизол и адреналин. Поради тоа, на бебето ќе му биде тешко да заспие, а тоа може да доведе и до прерано будење. Ако бебето се смири, се стиши, стане незаинтересирано за своето опкружување и гледа во далечина, мелатонинот е на врвот воо неговиот организам, што е вистински момент за спиење.
- БЕЛА БУЧАВА
Спуштени ролетни или навлечени завеси и бели звуци, ја претвораат детската соба во опкружување налик на внатрешноста на матката. Така, светлоста и звуците однадвор остануваат пригушени. Половина од сонот на новороденчето е во РЕМ фаза, која се нарекува и фаза на брзо движење на очите. Ова е лесна фаза на сонот кога сонуваме. Звук од телефон или гласно смеење од друга просторија може да го разбудат бебето. Тука настапуваат белите звуци, кои го пригушуваат звукот однадвор.
- ПОВИВАЊЕ
Замотувањето на бебето во ткаенина, за да се ограничи движењето на рацете и нозете, е стара техника на смирување и успивање. Во текот на првите неколку недели, образецот на сонот брзо се менува кај новороденчето. Ако на бебето не му се допаднало повивањето на почетокот, пробајте повторно по неколку дена. Повивањето може да го применувате и до шестиот месец.
- ТЕМПЕРАТУРА ЗА СПИЕЊЕ
На бебињата, како и на возрасните, им одговара свежина во просторијата во која спијат. Одржувајте ја температурата помеѓу 20 и 22 степени, за да создадете пријатна атмосфера за спиење. Нормално е прстињата на бебето да бидат помалку студени. За да се уверите дека не е премногу студено, ставете ја раката на градниот кош на бебето. Ако таму е топло, тогаш се е во ред.
- СПИЕЊЕТО НЕ Е СЕКОГАШ СОВРШЕНО
Многу бебиња помали од шест месеци не спијат мирно во креветче, затоа не се возбудувајте ако заспијат во вашата прегратка или во количка. Нема да му го пореметите ноќниот сон ако дозволите во текот на првите шест месеци да спие каде ќе стигне во текот на денот. Повеќето новороденчиња не се придржуваат на распоредот на спиење во првите 5-6 месеци, па и по тој период, некои бебиња потешко заспиваат од други бебиња.
